«ىرىمعا سەنۋ، كوزمونشاق تاعۋ-اۋىر قاتە»- ءدىنتانۋشى

13006
Adyrna.kz Telegram

بۇگىندە كوپشىلىك ادامنىڭ ىرىمعا سەنەتىنى، تىيىمداردى قاتاڭ ۇستاناتىنى راس. الايدا، ىرىمنىڭ قىرىن كەتەتىن كەزدەرى بارىن ۇمىت قالدىرعاندار دا بار. اسىرەسە، كولىگىنە ءتىل-كوز وتپەۋ ءۇشىن قىزىل ماتا بايلايتىندار، بالانىڭ بەسىگىنە نەمەسە ءۇيدىڭ كىرە بەرىسىنە كوز مونشاق قاداپ قوياتىنداردىڭ كەزدەسەتىنى راس. وسى ورايدا، ءدىنتانۋشى نۇرلان بايجىگىتۇلى قانداي ىرىمنىڭ دۇرىس، قانداي ىرىمنىڭ بۇرىس ەكەنىن ءدىني تۇرعىدان تالداپ بەردى دەپ جازادى «ادىرنا» ۇلتتىق پورتالى KAZ.NUR.KZ. سايتىنا سىلتەمە جاساپ.

"پايعامبارىمىزدىڭ (س.ع.س.) "تاماق جەگەن كەزدە وڭ قولىڭىزبەن جەڭىز، سۋ ىشكەن كەزدە دە وڭ قولمەن ءىشىڭىز. سەبەبى، شايتان سول قولىمەن جەپ، سول قولىمەن ىشەدى" دەگەن حاديسىنەن ۇلتىمىز ءبىرشاما وڭ باعىتتاعى مادەني ادەتتەردى وربىتكەن. داستارحان باسىنا كەلەردە قول جۋ، ءبىسمىللا دەپ ايتۋ، ۇلكەننەن بۇرىن قول سوزباۋ، "جاماننان جارتى اس قالادى" دەگەندەي استى تۇگەلدەي تاۋىسۋ، سوڭىنان الاقان جايا اللاعا شۇكىرلىك باتاسىن جاساۋمەن داستارحان مادەنيەتى، بالا تاربيەسىندە ءسابيدىڭ ازان شاقىرىپ اتىن قويۋ، وسە كەلە سۇننەتكە وتىرعىزۋ، اۋىرىپ قالسا، ۇشكىرىپ دۇعا وقۋ، سالەم بەرۋ، ۇلكەنگە قۇرمەت، كىشىگە ىزەت، كىشىپەيىلدىكپەن اعاسى سويلەگەندە قارسى كەلمەۋدى تالاپ ەتكەن.

دالادا ويناعان بالاسىنا "مالدى تەپپە", "قۇدىققا تۇكىرمە", "قارقىلداپ كۇلمە" جانە ت.ب. سوزدەرمەن تىيىپ وتىرعان. ال تىيىمداردى ەسىمىزگە تۇسىرسەك، سانى شەكسىز. دەگەنمەن، وسى مادەني ادەتتەر مەن تىيىمدارىمىز پايعامبارىمىزدىڭ (س.ع.س.) ءبىر تامشى سۇننەتىنەن ومىرلىك ۇلكەن قاعيداعا ۇلاسقان قازىنالار", - دەيدى ءدىني تۇرعىدا دۇرىس سانالاتىن ىرىمداردى تىزبەكتەگەن يمام.  توقاەۆ قازاقستاندىقتاردى كورىسۋ كۇنىمەن قۇتتىقتادى ءدىنتانۋشى سوڭعى كەزدەرى "بۇيىرسا", "جاراتقان جازسا" دەپ سويلەيتىندەر قاتارىنىڭ دا كەمىپ بارا جاتقانىنا نالىدى. ء"تىپتى، جامانشىلىقتان قورعانۋ تاسىلدەرىنىڭ جاڭا تۇرلەرى شىقتى. ول شۇباتىلعان قىزىل، سارى، ءار ءتۇرلى شۇبەرەكتەر.

كولىكتىڭ مەملەكەتتىك ءنومىر ساندارىن قاسيەتتەپ، بىرەگەي ەتىپ بەزەندىرۋ داستۇرگە اينالدى. تاسپيحپەن بىرگە كوزمونشاق ءىلىپ، "اللا مەنى قورعاپ ءجۇر" دەگەن سوقىر سەنىم يەلەرى قانشاما. مۇنىمەن قوسا، ۇكىدەن باستاپ، شاش، قىل-جىبىر، تاۋ شوپتەرى مەن بۇرىش، ادىراسپان تىزبەكتەگەندەر سانى ازايار ەمەس. بىلە بىلسەك، بۇل اقيقات ءدىنىمىزدىڭ اق سەنىمىنە كولەڭكە، سەرىك قوسۋعا الىپ باراتىن اۋىر قاتەلىكتەر. جالپى، ىرىم سوناۋ الىس زاماندا پايدا بولعان نانىم-سەنىم، تىيىم. بۇل قاعيداتتاردىڭ دىنىمىزدە سۇيەنىشى بولماسا، تاستالۋى كەرەك. مۇسىلماننىڭ ۇلى سەمسەر قورعانى – دۇعا.

بۇگىندە كوپتەگەن سانى شەكسىز دۇعا كىتاپتاردى كوزدەر شالىپ ءجۇر. بۇلاردىڭ باسىم كوپشىلىگى قۇران مەن حاديسكە جاناسپاعان، ويدان توقىلعان توپتامالار. جالپى، دۇعالارىمىز جۇرەكتەن شىعىپ، اقىلعا قونىپ، كورىنىسى قۇلشىلىقپەن جالعاسقاندا عانا كەمەل ماقساتقا جەتكىزەدى. سۇننەتكە ساي بولسا، ساۋاپ اكەلىپ، ومىرىمىزگە بەرەكە قوندىرادى. ايتپەسە، شىعىس ەرتەگىسىندەگى سيقىرلى تاياقشامەن سەرمەگەندەي "ابرا كادابرا" بولىپ جۇرمەسىن", - دەيدى نۇرلان بايجىگىتۇلى.

فوتو اشىق دەرەككوزدەن الىندى.

پىكىرلەر