Gagarınniń jankeshti erligi

3016
Adyrna.kz Telegram

Tómende Gagarınniń ǵaryshtan oralǵannan keıin birneshe saǵattan soń túsken fotosy. Bul jerde ataqty , "gagarındik jymııý" joq. Qandaı shyrǵalańnan ótip, qandaı ǵajaıyptardyń arqasynda tiri qalǵanyn túsingen adamnyń beınesi bar.

Shtattan tys oqıǵalar ushpaı turyp-aq bastalǵan bolatyn. Áýeli salmaq ólsheý kezinde kosmonavt skafandrymen birge eseptegiden 10 kg-ǵa jýyq aýyr ekeni anyqtalyp, eki datchıkti kesip alyp tastaýdan basqa amal qalmady.

Odan soń Gagarın korablge ornalasqan soń dál start aldynda lıýktiń germetıkalyq jabylmaǵany anyqtaldy. Biraq qysqa ýaqytta 30-dan astam vıntti bosatyp, qaıta qataıtyp úlgirdi de keme ǵaryshqa jol tartty.

Budan keıin de bári jospardaǵydaı bolǵan joq.

Ekinshi saty programmadaǵydaı jumys istemeı, korabl eseptelgen orbıtaǵa shyǵa almady. Bul jóninde Gagarınge aıtylmaǵanmen, ol bir problema baryn túsinip Basqarý Ortalyǵynan ,,ne boldy" dep birneshe márte surady. Jaýap berilgen joq.

Jerge oralatyn kezde tejegish dvıgatel qyzmetin atqaryp bolǵasyn túsý kapsýlasynan ajyramaı, birge quldılaı bastady. Bul degeniń 100% katastrofa, "qosh bol, Gagarın" edi.

Gagarınniń ıllıýmınatordan jalyn tilderin kórgen kezdegi, "Qosh bolyńdar, men janyp baramyn" degen sózderi esh jerde aıtylmady. Ol órtenip jatyr dep oılaǵanmen bul aparattyń qaptamasy edi. Úlken temperatýranyń arqasynda kapsýla dvıgatelden ajyrap, odan ári shtatty quldılaý bastaldy.

Kapsýladan Gagarın jospardaǵydaı kreslosymen birge katapýlta jasady. Taǵy da shtattan tys jaǵdaı, skafandrdaǵy aýa taýsyldy. Al jerdiń aýasymen dem alaıyn dese skafandr ashylmaıdy. Jerge túskennen keıin tek 6 mınýttan soń ǵana ol skafandrin ázer ashyp úlgirdi.

Budan basqa da kóp maıda sáıkessizdikter, aqaýlar oryn aldy. Biraq Gagarın bárine tótep berip, birinshilerdiń ishinen birinshi boldy.

OL QANDAI QIYNDYQTARDY JEŃIP ShYQTY!

Ramazan AJNIIaZOV

Pikirler