تومەندە گاگاريننىڭ عارىشتان ورالعاننان كەيىن بىرنەشە ساعاتتان سوڭ تۇسكەن فوتوسى. بۇل جەردە اتاقتى ، "گاگاريندىك جىميۋ" جوق. قانداي شىرعالاڭنان ءوتىپ، قانداي عاجايىپتاردىڭ ارقاسىندا ءتىرى قالعانىن تۇسىنگەن ادامنىڭ بەينەسى بار.
شتاتتان تىس وقيعالار ۇشپاي تۇرىپ-اق باستالعان بولاتىن. اۋەلى سالماق ولشەۋ كەزىندە كوسموناۆت سكافاندرىمەن بىرگە ەسەپتەگىدەن 10 كگ-عا جۋىق اۋىر ەكەنى انىقتالىپ، ەكى داتچيكتى كەسىپ الىپ تاستاۋدان باسقا امال قالمادى.
ودان سوڭ گاگارين كورابلگە ورنالاسقان سوڭ ءدال ستارت الدىندا ليۋكتىڭ گەرمەتيكالىق جابىلماعانى انىقتالدى. بىراق قىسقا ۋاقىتتا 30-دان استام ءۆينتتى بوساتىپ، قايتا قاتايتىپ ۇلگىردى دە كەمە عارىشقا جول تارتتى.
بۇدان كەيىن دە ءبارى جوسپارداعىداي بولعان جوق.
ەكىنشى ساتى پروگرامماداعىداي جۇمىس ىستەمەي، كورابل ەسەپتەلگەن وربيتاعا شىعا المادى. بۇل جونىندە گاگارينگە ايتىلماعانمەن، ول ءبىر پروبلەما بارىن ءتۇسىنىپ باسقارۋ ورتالىعىنان ،،نە بولدى" دەپ بىرنەشە مارتە سۇرادى. جاۋاپ بەرىلگەن جوق.
جەرگە ورالاتىن كەزدە تەجەگىش دۆيگاتەل قىزمەتىن اتقارىپ بولعاسىن ءتۇسۋ كاپسۋلاسىنان اجىراماي، بىرگە قۇلديلاي باستادى. بۇل دەگەنىڭ 100% كاتاستروفا، "قوش بول، گاگارين" ەدى.
گاگاريننىڭ يلليۋميناتوردان جالىن تىلدەرىن كورگەن كەزدەگى، "قوش بولىڭدار، مەن جانىپ بارامىن" دەگەن سوزدەرى ەش جەردە ايتىلمادى. ول ورتەنىپ جاتىر دەپ ويلاعانمەن بۇل اپاراتتىڭ قاپتاماسى ەدى. ۇلكەن تەمپەراتۋرانىڭ ارقاسىندا كاپسۋلا دۆيگاتەلدەن اجىراپ، ودان ءارى شتاتتى قۇلديلاۋ باستالدى.
كاپسۋلادان گاگارين جوسپارداعىداي كرەسلوسىمەن بىرگە كاتاپۋلتا جاسادى. تاعى دا شتاتتان تىس جاعداي، سكافاندرداعى اۋا تاۋسىلدى. ال جەردىڭ اۋاسىمەن دەم الايىن دەسە سكافاندر اشىلمايدى. جەرگە تۇسكەننەن كەيىن تەك 6 مينۋتتان سوڭ عانا ول سكافاندرىن ازەر اشىپ ۇلگىردى.
بۇدان باسقا دا كوپ مايدا سايكەسسىزدىكتەر، اقاۋلار ورىن الدى. بىراق گاگارين بارىنە توتەپ بەرىپ، بىرىنشىلەردىڭ ىشىنەن ءبىرىنشى بولدى.
ول قانداي قيىندىقتاردى جەڭىپ شىقتى!
رامازان اجنيازوۆ
