Ana tılımızdıŋ deŋgeiın köterıp, Alaşty qaita jaŋǧyrtamyz! - «Mazmundama» baspa üiı

El tarihynda tūŋǧyş ret sammari jäne non-fiction kıtaptardy şyǧaryp, älemdık bestseller kıtaptardy qazaq tılınde söiletken «Mazmundama» baspasy az uaqyt ışınde bedel jinap, qalyŋ oqyrmannyŋ közaiymyna ainaldy. Qazaq tılınıŋ mazmūnyn damytu arqyly ūlttyŋ bolaşaǧyna qyzmet etemız dep aldyna zor maqsat qoiyp, osy künge deiın bıraz belesterdı baǧyndyryp ülgergen «Mazmundama» qoǧamdyq qorynyŋ jetekşısı, äleumettık käsıpker - Teŋız Seiılhanmen sūhbattasudyŋ sätı tüstı.   - “Audarma salasymen ainalysyp, qazaq naryǧyna älemdık bestseller kıtaptardy şyǧaramyn” - dep, būl ıstı qolǧa alularyŋyzǧa ne türtkı boldy? Mūndai şeşımge qalai keldıŋızder?  

«MAZMUNDAMA» JOBASY 2016 JYLY AQŞ-TA ISKE QOSYLDY

  - «Mazmundama» jobasy 2016 jyly Amerika Qūrama Ştattarynda bastau aldy. Negızın qalauşy Garvard universitetınıŋ tülegı Şyŋǧys Mūqan.

- Baǧdarlama boiynşa jäne baǧdarlamadan tys köptegen kıtaptar oqydyq. Oqu kezınde jaŋa jäne qyzyqty närsenı bılgen saiyn maŋyzdy aqparattardy basqalarǧa bölıskımız keldı. Jyl saiyn älemde ekı millionǧa juyq kıtap şyǧarylady. Tanymal tanymdyq ädebiettı qazaq tılıne audarudyŋ dästürlı nūsqalaryn şyǧarudy armandadyq. Osylaişa, dostarymyzben keŋesıp sammari kıtaptaryn qūrastyruǧa şeşım qabyldadyq.

 

QAZAQ TILINIŊ MAZMŪNYN DAMYTYP, ŪLTTYŊ BOLAŞAǦYNA QYZMET ETEMIZ

  - Mazmūndamanyŋ missiiasy - qazaq tılınıŋ mazmūnyn damytu arqyly ūlttyŋ bolaşaǧyna qyzmet etu.

- Adam sanasynyŋ damuy sapaly aqparatqa bailanysty desek, Mazmūndamanyŋ basty qyzmetterınıŋ bırı - adamzat danalyǧy men bılımın qazaqşaǧa audaru arqyly öskeleŋ ūrpaqty bılımdı etu. Eŋ alǧaşqy jobamyz - «Oquǧa tiıs 10 kıtap» dep atalady. Eŋ qyzyqty jäne özektı taŋdaudy qalai taŋdadyq? Bız (Good Reads, New York Times, Amazon) sarapşylarynyŋ jäne (Harvard Business Review, Forbes) oqyrmandarynyŋ pıkırlerıne jügınıp, «köşbasşylyq» taqyryby boiynşa üzdık 10 kıtaptyŋ reitingın jasadyq. 4 jyl ışınde «Oquǧa tiıs 10 kıtap» jobasy aiasynda kelesı 9 kıtapty şyǧardyq: köşbasşylyq, menedjment, kemeldenu, otbasy, tärbie, marketing, tabys, densaulyq, bailyq. Bügınde ekonomika, kelıssöz, saiasat, bolaşaq taqyryptaryndaǧy kıtaptar äzırlenu üstınde. Qazaqstan tarihynda tūŋǧyş ret sammari jäne non-fiction kıtaptardy «Mazmundama» baspa üiı şyǧarǧanyn atap ötkım keledı. 

  - Teŋız Seiılhannyŋ baspa ısımen ainalysqanǧa deiıngı ömırı qandai boldy? Käsıpkerlıkke qalai keldıŋız?   

QARAPAIYM AUYLDAN ŞYǦYP, ŞETELDE BILIM ALDYM

  - Oŋtüstık Qazaqstanda, qazırgı Türkıstan oblysynyŋ Şardara qalasynda düniege keldım.

- Auyldaǧy qarapaiym qazaq mektebın bıtırdım. Menıŋ jäne mekteptegı joldastarymnyŋ aldynda ekı taŋdau tūrdy: 1) Auylda qalu. Sodan keiın üilenıp, sol jerde jūmys ısteu. 2) Ülken qalaǧa oquǧa tüsıp, bolaşaqqa qadam jasau. Men ekınşı joldy taŋdadym. Mekteptı aiaqtaǧannan keiın Malaiziiaǧa aǧylşyn tılın üirenuge attandym. 6 ai Aziia-Tynyq mūhity tehnologiialar jäne innovasiialar universitetıne qarasty mektepte aǧylşyn tılın oqydym. 2013 jyly Almatyǧa kelıp, Qanyş Sätbaev atyndaǧy Qazaq Ūlttyq universitetınde İnformatika mamandyǧynda oqydym.

 

ONLAIN PLATFORMALARDY DAMYTYP,  DEREKTERDI QALPYNA KELTIRDIM

  - Student kezımde bılım salasy qyzyq bolatyn.

- Söitıp, Rauan Kenjehanūly basqaratyn «Bilim Media Group» kompaniiasyna kontent menedjer bolyp jūmysqa ornalastym. 6 ai ışınde köptegen jobalarmen jūmys ıstedım, aita ketsem Bilimland.kz, iTest.kz, iMektep.kz. Menıŋ mındetıme aitylǧan platformalardyŋ kontentın damytu kırdı. Köp täjıribe aldym. 2017 jyly elordaǧa kelıp, Astana Halyqaralyq qarjy ortalyǧynda IT maman bolyp bır jyldai qyzmette ıstedım. 2018 jyly Qazpoştadan derekterdı basqaru departamentınen şaqyru kelıp, Qazaqstan boiynşa 22 myŋ adam ısteitın mekemenıŋ milliondaǧan derekterın qalypqa keltırumen ainalystyq.  

 IT SALASYNA  5 JYLYMDY ARNADYM 

  - Derekterdıŋ dūrystyǧyna bailanysty dūrys şeşım qabyldanady.

- Derekterdı basqarudy jüielep, jūmysy jolǧa qoiylǧannan keiın, Nazarbaev Ziiatkerlık mektepterıne qarasty «Pedagogikalyq ölşeuler ortalyǧynan» şaqyru keldı. Däl osy jyly 2018 jyldyŋ soŋynda «Mazmundama» düniege keldı. «Mazmundama-ǧa» qoǧamdyq jūmys retınde qaradym, keşke deiın NİŞ-tyŋ jūmysyn, keşten tün ortasyna deiın demalys künderı janyma jaqyn «Mazmundama» jūmystaryn ıstep jürdım, osylai arada bıraz jyl öttı. IT salasynda 5 jyldai jūmys ıstedım.

- Baspa üiınıŋ atauyn nege “Mazmundama” dep qoidyŋyzdar? Özge baspa üilerınen basty erekşelıkterıŋız nede?   

QAZAQ TILDI KONTENTTI BAIYTU BASTY MINDETIMIZ 

  - Mazmūndama qoǧamdyq qor bolyp qūrylǧan kezde mazmūn degen söz aǧylşynşa kontent - qazaq tılınde kontenttı damytu jäne baiytu.

- Mazmūndama qoǧamdyq qorynyŋ missiiasy basqa baspa üilerınen basqaşa. "Mazmundama" – kommersiialyq ūiym emes, qoǧamdyq ūiym. Qazaq tıldı kontenttı baiytudy özımızdıŋ basty mındetımız dep sanaimyz. Ūlttyŋ bäsekege qabılettılıgı är adamǧa bailanysty. Al är adamnyŋ bäsekege qabılettılıgı onyŋ tılıne bailanysty. Tıldıŋ bäsekege qabılettılıgı sol tıldıŋ mazmūnyna bailanysty. Bız qazaq tılın jan-jaqty nasihattauǧa öz ülesımızdı qosyp, jastarymyzǧa zamanyna laiyq, zamanaui bılım aluyna kömekteskımız keledı.

- “Mazmundama” baspasy köbıne qandai ädebietterdı audarumen ainalysady? Mysaly «50% — biznes, motivasiia, 30% — körkem ädebiet, 20% — balalar ädebietı» degendei belgılı bır erejege süienesızder me?  

ÜZDIK KITAPTARDY QAZAQ TILINE AUDARAMYZ 

  - Älem oqyrmandary talasyp oqityn üzdık kıtaptardy qazaq tılıne audaramyz.

- Good Reads, New York Times, Amazon jäne Harvard Business Review, Forbes ekspertterınıŋ reitıngı boiynşa eŋ köp satylǧan kıtaptar, eŋ köp tılge audarylǧan kıtaptar. Şeteldıŋ eŋ alyp baspalaryna keletın bolsaq Penguin Random House, Simon & Schuster, Eksmo, AST būl baspalar tek qana bır janrdegı ädebietpen şektelmei kıtap salasyndaǧy barlyq janrdaǧy kıtaptardy şyǧarady. Sol siiaqty «Mazmūndama» qoǧamdyq qorynda osy alyp baspalar sekıldı barlyq janrdaǧy kıtaptardy qamtydyq.

«Oquǧa tiıs 10 kıtap» seriiasy tanymdyq maŋyzy zor kıtaptardy qysqa da nūsqa formatta qūndy ideialardy oqyrmandarǧa jetkızu maqsatynda jinaqtaldy. Jinaqtarǧa är sala boiynşa zertteuşıler men ǧalymdardyŋ, älemge äigılı käsıpkerlerdıŋ taŋdamaly on kıtabynyŋ mazmūny enedı. Olardyŋ barlyǧy da uaqyt synynan ötıp, adamzat oiynyŋ altyn qazynasyna ainalǧan taŋdauly tuyndylar. «Qazaqsha100 bestseller» seriiasy – älemdık, halyqaralyq bestellerler. Älemde eŋ köp satylǧan, eŋ köp tılge audarylǧan kıtaptar New York Times, Amazon siiaqty basylymdarǧa jariialanyp otyrady. Osy kıtaptardyŋ ışınen eŋ üzdıkterın qazaq tılıne audaryp basudy közdeidı. «Balalar jäne jasöspırımder kıtaphanasy» seriiasy älemdık balalar ädebietınıŋ üzdık tuyndylaryn qazaq tılıne audaryp, jas oqyrmanǧa ūsynady. Būl seriiamen şyqqan kıtaptardy bastauyş synyp balalary ata-anasymen, al jasöspırımder öz betımen oquyna bolady. «Mektep kıtaphanasy» seriiasy boiynşa jaryq körgen kıtaptar orta mektepterdıŋ 5–11-synyp oquşylaryna arnalǧan «Qazaq ädebietı» oqulyqtaryna tuyndysy engen avtorlardyŋ jeke şyǧarmalar jinaǧynan tūrady. «Qazaq Classics» seriiasy qazaq tılındegı körkem ädebietke arnalǧan. Būl seriiamen qazaq ädebietınıŋ klassikalyq şyǧarmalary jaryq köredı. «Mazmundama Classics» seriiasy älemdık klassikaǧa arnalǧan baǧyt. Būl seriia boiynşa älemdık körkem oidyŋ klassikasyna ainalǧan tuyndylar jaryq köredı. «WHO HQ» seriiasymen jaryq köretın kıtaptar älemge belgılı tūlǧalar men ǧalamdyq oqiǧalar turaly bılgısı keletın eŋ jas oqyrmandarǧa arnalady. Olardy ata-analar mektep jasyna jetpegen balalarǧa oqyp beruıne jäne bastauyş synyptaǧy oquşylarmen bırge oquyna bolady. Būl seriia aiasynda şyǧatyn kıtaptar balanyŋ qiialyn şyŋdap, biık maqsattar qoiuǧa jeteleidı. - Qazırgı motivasiiaǧa qūştar Z ūrpaq özın damytpaqqa talpynys jasap keledı. Jastarǧa özıŋız oqyǧan non-fikşn janryndaǧy qandai kıtapty ūsynar edıŋız?  

QAZIR JASTARDYŊ BARLYǦY DAMU ÜSTINDE 

  - İä, tehnologiialardyŋ äserımen zaman öte jyldam özgerıp jatyr. Qazır qarap otyrsam, jastardyŋ barlyǧy damu üstınde. Qūr jürgen adamdy körmeimın. Ärkım özıne ne kerek, sol saladaǧy kıtaptardy oquy kerek. Özım qazır menedjment, marketing, kelıssöz, köşbasşylyq, satu salasyndaǧy kıtaptardy oqyp jatyrmyn. Özıme ūnaǧan, kıtaptar:

• Jim Camp «Start with No. The negotiating tools that the pros don't want you to know» 
• John Zenger «How to Be Exceptional: Drive Leadership Success By Magnifying Your Strengths»;
• Dave Logan «Tribal Leadership: Leveraging Natural Groups to Build a Thriving Organization»;
• Jack Welch «Winning»;
• Dale Carnegie «How to Win Friends & Influence People»;
• Jonah Berger «Contagious. Why Things Catch On».

  - Kıtap oqudy ädetke ainaldyrudyŋ joldary qandai?  Oqyrmandarǧa aitar basty keŋesterıŋız qandai?  

KITAP OQU ŪLY TŪLǦALARMEN KEZDESUGE MÜMKINDIK BEREDI

  - Kıtap oqudyŋ paidasy köp... Eŋ aldymen oi örısın özgeredı, basqaşa oilana bastaisyŋ, jaman äreketterge barmaisyŋ, jadyŋ jaqsarady. Bır keistı keltıre keteiın: kez-kelgen adam oi tastai aluy qajet.

- Mysaly, qazırgı taŋda Älihan Bökeihan, Abai Qūnanbaiūly, Dınmūhamed Qonaev, Sokrat, Stiv Djobs syndy ūly tūlǧalarmen kezdesıp, sūraqtar qoiyp, sūhbattasqyŋ kelse, olarmen kıtaptary arqyly qauyşa alasyŋ. Kıtap oqyǧan kezde adam äuelı özıne talap qoia bıluı qajet, özın aldamauy tiıs. Kemınde künıne 1 bet bolsyn, 10 bet bolsyn kıtap oqu kerek. Osy ädıstı kündelıktı qaitalap otyrsa, aiyna eş qinalmai 2-3 kıtap oqyp tastauǧa bolady. Bälkım, qyzyǧuşylyǧyn oianyp 1 jyldan keiın aiyna 30 kıtap oqyp ketuın de ǧajap emes. Adam qandai kıtap oqyp jatqanyn tüsınbese, ol kıtapty soŋyna deiın oqymaidy. Öitkenı özıne ne kerek ekenın de, qandai kıtap oqu kerektıgın de bılmeidı. Neǧūrlym köbırek kıtap oqysaŋ, soǧūrlym özıŋe paidaly. Analiz jasap, özıŋe qandai qabılet jetıspeitının anyqtaisyŋ. Sol qabılettı damytatyn üzdık kıtaptardy oqi bastaisyŋ. Kıtapty oqyp qana qoia salmai, ūnaǧan jerlerdıŋ astyn syzyp, kıtaptan alǧan bılımdı kündelıktı öz ömırıŋde qoldana bastaisyŋ. Kıtaptyŋ adam ömırıne berer paidasy şynymen orasan zor. 

- Aldaǧy josparyŋyzben bölısseŋız. Bolaşaqta “Mazmundama” oqyrmandaryn qaŋdai tyŋ bastamalarmen quantpaq?  

ALAŞ TAQYRYBYN QAITA JAŊǦYRTAMYZ 

  - Joǧaryda aitqanymdai qazırgı taŋda 7 joba boiynşa kıtaptardy daiyndap, şyǧaryp jatyrmyz.

Sonymen qatar Alaş taqyrybyn tereŋ zerttep, qaita jaŋǧyrtamyz.  "Älihan Bökeihan kım?", "Ahmet Baitūrsynūly kım?", "Qanyş Sätbaev kım?",  "Abai Qūnanbaiūly kım?" degen illiustrasiialy şaǧyn kıtaptardy balalarǧa arnaiy daiyndau üstındemız. Būiyrsa kelesı jyly satylymǧa şyǧady. Ärine qazırdıŋ özınde qazaqtyŋ tūlǧalaryna arnalǧan kıtaptar bylai da şyǧyp jatyr. Bıraq, olardyŋ barlyǧy da ülken-ülken qalyŋ kıtaptar... Mūqabasy da, ışındegı ärıpterı de közdıŋ jauyn almaidy. Adam oqymaidy. Naryqqa arnalmaǧan kıtaptar bolǧasyn olar ötpeidı. Sondyqtan osyndai 112 betten tūratyn şaǧyn kıtaptardy şyǧarudy bastadyq. Osy bastama da tarihymyzda alǧaş ret jasalyp jatqan igı ıs.  

 

ŪLY TŪLǦALARYMYZDY EL BILUI KEREK

  - Mysaly, Amerikadaǧy ırı baspalar naryqqa jūmys jasaidy.

Osyndai tūlǧalardy tanytumen ainalysady. Mysaly, Stiv Djobs kım? degen siiaqty kıtaptar älem boiynşa taralyp, oqyldy. Bızde tūlǧalar da, sportşylar da, käsıpkerler de bar. Degenmen, olar jaily köp aityla bermeidı. Öz eŋbekterımen jetıstıkke jetken adamdardy köbırek nasihattap, jastarymyzǧa ülgı-önege beruımız kerek. Stiv Djobs, Mark Sukerberg kım ekenın bılemız, öitkenı kontent köp. Bızdıŋ de tūlǧalarymyz jeterlık. Bıraq, olardy eşkım bılmeidı... Mıne, osy problemany şeşumen ainalysyp jatyrmyz. 

 

KELER JYLY KITAP DÜKENIN AŞU JOSPARDA BAR

 

- Kıtaptan tüsken qarjy Mazmundama-nyŋ missiiasy – qazaq tılınıŋ mazmūnyn damytuǧa, odan da köp kıtap şyǧaruǧa jūmsalady.

Alda jospar köp, qazırgı taŋda oqyrmandarǧa taŋdau bolu üşın iOS, Android, mobildık jäne Web qosymşalaryn daiyndau üstındemız. Keler jyly kıtap dükenın aşu josparda bar. Köptegen kıtaptardyŋ qūqyǧyn alyp jatyrmyz. Atap aitatyn bolsaq: 

• The 5AM Club by Robin Sharma;
• The Everyday Hero Manifesto by Robin Sharma;
• The Monk Who Sold His Ferrari: Special 25th Anniversary Edition by Robin Sharma;
• Who Will Cry When you Die? by Robin Sharma;
• The Psychology of Money by Morgan Housel;
• Hachiko Waits by Lesléa Newman;
• Alibaba: The House That Jack Ma Built by Duncan Clark;
• The Leader Who Had No Title by Robin Sharma;
• You Are a Badass: How to Stop Doubting Your Greatness and Start Living an Awesome Life by Jen Sincero;
• You Are a Badass at making money: Master the Mindset of WealthY by Jen Sincero;
• You Are a Badass everyday: How to Keep Your Motivation Strong, Your Vibe High, and Your Quest for Transformation Unstoppable by Jen Sincero;
• Dune by Frank Herbert jäne t.b. 

 

ANA TILIMIZ BARLYQ SALADA №1 BOLADY

  - Mazmundama-da qazır jüzge juyq ideialas, missiialas adamdar jūmys ısteitının atap ötken jön.

- Audarmaşylar men redaktorlar, korrektorlar men dizainerler, marketologtar men satu mamandarynan qūrylǧan myqty komanda Mazmundama jobasy aiasynda 4 jyldan berı adamzat aqyl-oiynyŋ altyn qazynasyna ainalǧan şeteldık tuyndylardy qazaq tılıne audaryp satumen ainalysyp keledı. Bızdıŋ eŋ basty maqsatymyz - Qazaqstanda qazaq tılınıŋ qoldanu aiasyn keŋeitıp, jaŋa deŋgeige şyǧaru. Ana tılımız barlyq salada №1 boluy üşın qoldaularyŋyz kerek. Ol üşın barşaŋyzdy igı bastamaǧa at salysuǧa şaqyramyn! 

- Sūhbattasqanyŋyzǧa raqmet! Aǧartuşylyq jolyndaǧy qyzmetterıŋızge sättılık tıleimız! 

Sūhbattasqan Zarina ÄŞIRBEK,

"Adyrna" ūlttyq portaly