Almatyda 22 jastaǧy jüktı äiel tūrǧyn üi keşenınıŋ 8-qabatynan sekırıp kettı. Ol auyr jaraqattarmen auruhanaǧa jetkızılgen. Alaida därıgerler ony aman alyp qala almady.Būl turaly Astana TV habarlady, dep jazady "Adyrna" ūlttyq portaly.
Kuägerler «jas äieldıŋ mūndai qadamǧa baruyna otbasylyq janjal sebep boluy mümkın» deidı. Jantürşıgerlık oqiǧa tün ortasynda köpqabatty tūrǧyn üilerdıŋ bırınde bolǧan. Äieldıŋ qūlap tüsken jerınde älı qannyŋ ızı baiqalady. Jūbaiynyŋ aiqailap jylaǧan dauysynan oianyp ketken körşıler dereu jedel järdem şaqyryp ülgergen. Būl jaǧdai tūrǧyndardyŋ zäresın ūşyrdy. Kuägerler äieldıŋ qan-josa bop jerde jatqanyn aitady. «Üiınde ūrys-kerıs bolǧan tärızdı»,- deidı.
"Men üide otyrǧanmyn. Bıreudıŋ gürs etıp qūlaǧanyn estıdım. Aiqai-şu köterılıp kettı. Küieuı bırden jügırıp keldı. Men de şyǧyp, jedel järdem şaqyrdym. Äieldıŋ qol-aiaǧy syndy. Küieuı keşe özın tym emosionaldy ūstaǧan edı. Maǧan ol mas bolyp körındı", - deidı kuäger Miras Jaqypov.Tūrǧyndar jedel järdemdı ūzaq kütıp qalǧandaryn aitady. "Aula tar, sondyqtan jedel järdem nemese ört söndıru kölıgı kıruı qiyn" deidı.
"Jedel järdemdı 40 minut küttık. Olar jetken soŋ, aulamyzǧa bıraz uaqyt kıre almai, ainalyp jürdı. Sebebı, tūrǧyndardyŋ kölıkterı aulaǧa kırer joldy jauyp tastaǧan eken. Oryn joq. Äiteuır, därıgerler äieldı zembılge salyp, alyp kettı. Ol kezde äiel tırı edı", - Jūmaǧali Älımjanov.Nauqas klinikalyq ölım diagnozymen 7 qalalyq klinikalyq auruhanaǧa jetkızılgen. Jüktılıktıŋ 9-10 aptasynda bolǧany anyqtaldy. Därıgerler reanimasiialyq ıs-şaralardy jürgızgenımen, zardap şeguşı esın jimastan dünieden öttı. Polisiia oqiǧanyŋ män-jaiyn anyqtap jatyr. «Özin-özi öltiruge deiin jetkizu» baby boiynşa qylmystyq ıs qozǧaldy".
"Almaty qalalyq polisiia Departamentı atalǧan derektıŋ Nauryzbai audandyq polisiia Basqarmasymen QR QK-nıŋ 105-baby boiynşa sotqa deiıngı tergeudıŋ bıryŋǧai tızılımıne tırkelgenın habarlaidy. Sot-medisinalyq saraptama taǧaiyndaldy", - deidı Almaty qalasy PD resmi ökılı Saltanat Äzırbek.Äieldıŋ özıne qol saluyna sebepker bolǧan kınälıler anyqtalsa, zaŋ boiynşa üş jylǧa deiın bas bostandyǧynan aiyrylady.
"Adyrna" ūlttyq portaly
Ūqsas jaŋalyqtar
