Qazaq ädebietınıŋ körnektı ökılı, jazuşy jäne zertteuşı Mūhtar Maǧauinnıŋ topyraǧy tuǧan jerıne jettı, dep habarlaidy "Adyrna" ūlttyq portaly.
Qalamgerdıŋ ūly Edıge Maǧauin AQŞ-taǧy zirat basynan alynǧan topyraqty jazuşynyŋ ata-babasy jerlengen Köpbeiıt qorymyna äkeldı. Būl qorym Abai oblysynyŋ Şūbartau öŋırınde ornalasqan.
«Äkemızdıŋ jatqan jerınen topyraq alyp kelıp, onyŋ äkesı Maǧauiia atamyzdyŋ, ülken atasy Qūrymbai atamyzdyŋ jäne äkemızdı tärbielegen Orynbasar şeşemızdıŋ qabırlerıne qoidyq. Sol siiaqty tuǧan jerdıŋ topyraǧy men jusanyn da äkemızdıŋ Vaşingtondaǧy qabırıne aparmaqpyz», - dedı Edıge Maǧauin.
Jazuşynyŋ qoljazbalary men jeke mūraǧaty qazır Vaşingtondaǧy otbasylyq üide saqtauly. Ömırınıŋ soŋǧy jyldarynda daiyndaǧan 27 tomdyq şyǧarmalar jinaǧynyŋ 26 tomy jaryq körgen, qalǧan eŋbekterı men kündelıkterı bolaşaqta jariialanbaq. Ūlynyŋ aituynşa, aldaǧy uaqytta äkesınıŋ tūrǧan üiın Mūhtar Maǧauin ortalyǧy men mūrajaiyna ainaldyru josparda bar.
