Parij qalasynda ötken Düniejüzılık januarlar densaulyǧy ūiymynyŋ (WOAH) 93-şı Bas sessiiasynda ūiymǧa müşe 183 eldıŋ delegattary Qazaqstanǧa ausylǧa qarsy vaksinasiialanǧan taza aimaq märtebesın beru turaly şeşım qabyldady. Resmi sertifikat bügın Qazaqstan delegasiiasyna tabystaldy.
Osylaişa, WOAH halyqaralyq standarttaryna säikes, endı elımızdıŋ bükıl aumaǧy ausyl auruynan taza dep tanyldy.
Şyǧys jäne Ortalyq Aziia elderınıŋ ışınde Qazaqstan ǧana osyndai märtebege ie.
Būl 2024 jyldan berı el ükımetı jürgızıp kele jatqan auqymdy ärı jüielı jūmystyŋ nätijesı. Memlekettıŋ veterinariialyq jüiesın daiarlau jäne baǧalau aiasynda epizootiialyq ahualdy tūraqty saqtau, veterinariialyq baqylaudyŋ tiımdılıgın arttyru jäne biologiialyq qauıpsızdık jüiesın jetıldıru maqsatynda veterinariialyq-profilaktikalyq, monitoringtık, ūiymdastyruşylyq jäne baqylau şaralary keşendı qolǧa alyndy.
«Qazaqstan halyqaralyq deŋgeide moiyndalǧan epizootiialyq qauıpsızdık jüiesın däiektı türde nyǧaityp, ūlttyq veterinariialyq qauıpsızdıktıŋ deŋgeiınıŋ joǧary ekenın taǧy bır märte däleldep otyr. Bügınde elımızdıŋ bükıl aumaǧy ausylǧa qarsy vaksinasiialanǧan taza halyqaralyq aimaqtarmen qamtyldy. Būl el üşın ülken jetıstık.
Sonymen qatar Qazaqstan jyl saiyn afrikalyq jylqy obasy men klassikalyq şoşqa obasy boiynşa da qauıpsız ekenın däleldep keledı, sondai-aq WOAH talaptaryna säikes qūs tūmauynyŋ joǧary patogendı türı men afrikalyq şoşqa obasyna qatysty özındık deklarasiialaryn tūraqty türde qoldap otyr», – dedı Aidarbek Saparov.
Ministrdıŋ aituynşa, būl märtebe Qazaqstannyŋ halyqaralyq bedelın nyǧaityp, şeteldık sauda serıktesterınıŋ senımın arttyruǧa jäne otandyq mal şaruaşylyǧy önımderınıŋ eksporttyq äleuetın keŋeituge jol aşady.
Atalǧa ūiymnyŋ 93-şı Bas sessiiasy aiasynda Auyl şaruaşylyǧy ministrı bastaǧan qazaqstandyq delegasiia halyqaralyq veterinariia salasyndaǧy negızgı mäselelerdı talqylauǧa belsendı qatysty. Äsırese biologiialyq qauıpsızdık, januarlardyŋ transşekaralyq aurularyna qarsy küres jäne veterinariia salasyndaǧy halyqaralyq yntymaqtastyq mäselelerıne basa nazar audaryldy.
Sessiia aiasynda Aidarbek Saparov ūiymnyŋ Bas direktory Emmanuel Subeiranmen kezdestı. Ol Qazaqstan veterinariialyq qyzmettı damytuda, WOAH halyqaralyq standarttaryn engızude jäne Ortalyq Aziiadaǧy öŋırlık özara ıs-qimyldy nyǧaituda jüielı ärı däiektı täsıl ūstanyp otyrǧanyn atap öttı.
Emmanuel Subeiran ūiymǧa müşe memleketterge ministrlık döŋgelek üstelı men ūiymnyŋ Bas sessiiasy aiasynda Qazaqstannyŋ ǧylymi-diagnostikalyq äleuettı damytu baǧytyndaǧy jūmysyn joǧary baǧalap, veterinariialyq qyzmettı jaŋǧyrtudaǧy oŋ täjıribenı tanystyrudy ūsyndy.
Aita keteiık, Aidarbek Saparov WOAH ministrlık döŋgelek üstelı men Bas sessiiasynda söz söilegen Ortalyq Aziia elderı arasyndaǧy jalǧyz auyl şaruaşylyǧy ministrı boldy.
