Tez daiyndalatyn kespe önımderın jeleu etıp, Qyrǧyzstannan Qazaqstanǧa zaŋsyz alkogol önımderın ötkızbek bolǧan. Būl turaly QR Qarjy ministrlıgınıŋ Memlekettık kırıster komitetı mälımdedı, dep habarlaidy “Adyrna” ūlttyq portaly.
Jambyl oblysy boiynşa Memlekettık kırıster departamentı «Aişa-bibı» şekara zastavasynda Qyrǧyzstan azamattary mıngen ekı auyr jük kölıgın ūstady.
«Avtokölıkterdı tekseru barysynda Qazaqstanǧa alkogol önımderın zaŋsyz äkelu faktısı anyqtaldy. Ol - 25 920 bötelke «Parlament» jäne «Antivirus» araqtary. Būl rette jük partiiasy Big Bon tez daiyndalatyn kespenıŋ jeleuımen tasymaldandy. Aldyn ala qorytyndy boiynşa ūstalǧan alkogol önımınıŋ partiiasynyŋ jalpy qūny 25 mln 660,8 myŋ teŋgenı qūraidy. Alkogol önımderınıŋ zaŋsyz ainalymynyŋ jolyn kesu faktısı boiynşa qylmystyq ıs qozǧaldy», - delıngen habarlamada.
“Adyrna” ūlttyq portaly
Qazaqstanda kei dükender Ukraina territoriiasyn Reseidıkı retınde körsetken globus-karta satyp jatyr
