Tez daıyndalatyn kespe ónimderin jeleý etip, Qyrǵyzstannan Qazaqstanǵa zańsyz alkogol ónimderin ótkizbek bolǵan. Bul týraly QR Qarjy mınıstrliginiń Memlekettik kirister komıteti málimdedi, dep habarlaıdy “Adyrna” ulttyq portaly.
Jambyl oblysy boıynsha Memlekettik kirister departamenti «Aısha-bıbi» shekara zastavasynda Qyrǵyzstan azamattary mingen eki aýyr júk kóligin ustady.
«Avtokólikterdi tekserý barysynda Qazaqstanǵa alkogol ónimderin zańsyz ákelý faktisi anyqtaldy. Ol - 25 920 bótelke «Parlament» jáne «Antıvırýs» araqtary. Bul rette júk partııasy Big Bon tez daıyndalatyn kespeniń jeleýimen tasymaldandy. Aldyn ala qorytyndy boıynsha ustalǵan alkogol óniminiń partııasynyń jalpy quny 25 mln 660,8 myń teńgeni quraıdy. Alkogol ónimderiniń zańsyz aınalymynyń jolyn kesý faktisi boıynsha qylmystyq is qozǵaldy», - delingen habarlamada.
“Adyrna” ulttyq portaly
