Kúni keshe Keńes dáýiriniń kereǵar saıasatynyń saldarynan tarıh betinde qaldyrǵan Aýǵan soǵysynyń aıaqtalǵanyna bıyl 29 jyl toldy. «Internoıonaldyq boryshyn óteý kerek» degen úkimettiń ókinishti uranynyń arqasynda endi ǵana 18-ge tolǵan bozbalalar aýǵan jeriniń topyraǵyn basyp, dámin tatty. 1979 jyly osy ana súti aýyzdarynan ketip úlgermegen balań sarbazdar ataq-dańq úshin emes, tynyshtyqty qorǵaımyz, soǵys órtin óshiremiz dep qandy qyrǵynnyń ortasynan bir-aq shyqqan edi.
1979-1989 jyldardaǵy keńestik alyp ımperııanyń eń sońǵy soǵysyna 22000 adam qatysqan. Onyń 761-i qaza boldy. Jetisý óńirinen 1700 jaýynger attansa, olardyń 59-y týǵan jerine oralmady. Otan aldyndaǵy azamattyq boryshty abyroıly oryndasam degen otansúıgishtik qasıet boıyna daryǵan bizdiń aýdanymyzdyń 97 jas erenniń mańdaıyna mindetti aýǵan jerinde óteý jazylypty. 1979 jyldyń 25 jeltoqsanda Aýǵanstanǵa kirgizilgen Keńes áskeriniń shekteýli kontıgenti, 1989 jyldyń 15 aqpanynda Jeneva kelisimderine sáıkes tolyq shyǵarylǵan bolatyn. Alaıda, bul soǵystyń eń úlken qasiretti uldarynyń ornyna temir tabyt qarsy alyp, ańyrap qalǵan edi.
Osyǵan oraı ortalyq memlekettik muraǵatta 18 shilde Almaty qalasy Ishki saıasat basqarmasynyń qoldaýymen qolǵa alynǵan «Azamattyq borysh» jobasy aıasynda aýǵan soǵysynyń ardageri – Baqytjan Mýlınov kitaphanashylar, stýdentter jas jas ǵalymdarmen kezdesti. Kezdesý barysynda ardager jastarǵa ǵylymdy súıýge, Otanshyl bolýǵa shaqyrdy. Soǵys atty laǵnettiń bolashaqta qaıtalanbaýyn tileı kele, jetkinshekterge bilimmen qarýlanýǵa, aqparattyq qaýipsizdikke daıyn bolýǵa shaqyrdy. Budan tys, soǵys kezindegi azap pen úreıge toly tarıhı sáttegi estelikterimen bólisti.
