كۇنى كەشە كەڭەس ءداۋىرىنىڭ كەرەعار ساياساتىنىڭ سالدارىنان تاريح بەتىندە قالدىرعان اۋعان سوعىسىنىڭ اياقتالعانىنا بيىل 29 جىل تولدى. «ينتەرنوتسيونالدىق بورىشىن وتەۋ كەرەك» دەگەن ۇكىمەتتىڭ وكىنىشتى ۇرانىنىڭ ارقاسىندا ەندى عانا 18-گە تولعان بوزبالالار اۋعان جەرىنىڭ توپىراعىن باسىپ، ءدامىن تاتتى. 1979 جىلى وسى انا ءسۇتى اۋىزدارىنان كەتىپ ۇلگەرمەگەن بالاڭ ساربازدار اتاق-داڭق ءۇشىن ەمەس، تىنىشتىقتى قورعايمىز، سوعىس ءورتىن وشىرەمىز دەپ قاندى قىرعىننىڭ ورتاسىنان ءبىر-اق شىققان ەدى.
1979-1989 جىلدارداعى كەڭەستىك الىپ يمپەريانىڭ ەڭ سوڭعى سوعىسىنا 22000 ادام قاتىسقان. ونىڭ 761-ءى قازا بولدى. جەتىسۋ وڭىرىنەن 1700 جاۋىنگەر اتتانسا، ولاردىڭ 59-ى تۋعان جەرىنە ورالمادى. وتان الدىنداعى ازاماتتىق بورىشتى ابىرويلى ورىنداسام دەگەن وتانسۇيگىشتىك قاسيەت بويىنا دارىعان ءبىزدىڭ اۋدانىمىزدىڭ 97 جاس ەرەننىڭ ماڭدايىنا مىندەتتى اۋعان جەرىندە وتەۋ جازىلىپتى. 1979 جىلدىڭ 25 جەلتوقساندا اۋعانستانعا كىرگىزىلگەن كەڭەس اسكەرىنىڭ شەكتەۋلى كونتيگەنتى، 1989 جىلدىڭ 15 اقپانىندا جەنەۆا كەلىسىمدەرىنە سايكەس تولىق شىعارىلعان بولاتىن. الايدا، بۇل سوعىستىڭ ەڭ ۇلكەن قاسىرەتتى ۇلدارىنىڭ ورنىنا تەمىر تابىت قارسى الىپ، اڭىراپ قالعان ەدى.
وسىعان وراي ورتالىق مەملەكەتتىك مۇراعاتتا 18 شىلدە الماتى قالاسى ىشكى ساياسات باسقارماسىنىڭ قولداۋىمەن قولعا الىنعان «ازاماتتىق بورىش» جوباسى اياسىندا اۋعان سوعىسىنىڭ ارداگەرى – باقىتجان مۋلينوۆ كىتاپحاناشىلار، ستۋدەنتتەر جاس جاس عالىمدارمەن كەزدەستى. كەزدەسۋ بارىسىندا ارداگەر جاستارعا عىلىمدى سۇيۋگە، وتانشىل بولۋعا شاقىردى. سوعىس اتتى لاعنەتتىڭ بولاشاقتا قايتالانباۋىن تىلەي كەلە، جەتكىنشەكتەرگە بىلىممەن قارۋلانۋعا، اقپاراتتىق قاۋىپسىزدىككە دايىن بولۋعا شاقىردى. بۇدان تىس، سوعىس كەزىندەگى ازاپ پەن ۇرەيگە تولى تاريحي ساتتەگى ەستەلىكتەرىمەن ءبولىستى.