Bügın, 28 tamyz – körnektı memleket jäne qoǧam qairatkerı, etnograf, tarih ǧylymdarynyŋ kandidaty Özbekälı Jänıbekovtıŋ tuǧan künı. Qazaq halqynyŋ ūlttyq mädenietı men ruhani mūrasyn jaŋǧyrtuǧa ölşeusız üles qosqan tūlǧanyŋ esımı el tarihynda airyqşa oryn alady.
Özbekälı Jänıbekov 1931 jyly qazırgı Türkıstan oblysy, Otyrar audanyndaǧy Saryqamys auylynda düniege kelgen. Ol ǧūmyryn eldıŋ mädenietı men tarihyn zertteuge, ūlttyq qūndylyqtardy saqtauǧa jäne keiıngı ūrpaqqa jetkızuge arnady.
Özbekälı Jänıbekov keŋestık kezeŋnıŋ özınde qazaqtyŋ ūlttyq mädenietı men tarihi mūrasyna erekşe män berdı. 1970-jyldary onyŋ bastamasymen Qoja Ahmet Iаsaui kesenesın qalpyna keltıru jūmystaryna erekşe köŋıl bölındı.
Sonymen qatar, Qazaqstannyŋ köptegen qalalarynda etnografiialyq mūrajailardyŋ aşyluyna ūiytqy boldy. Tarihi-mädeni eskertkışterdı qorǧau jäne qalpyna keltıru baǧytynda jūmys jürgızgen «Arqas» qoǧamynyŋ qūryluyna da bastamaşy boldy.
Qairatker ūlttyq önerdı jaŋǧyrtuǧa da airyqşa üles qosty. Onyŋ qoldauymen «Şerter», «Adyrna», «Altynai» sekıldı folklorlyq öner ansamblderı ūiymdastyryldy. Osy arqyly halqymyzdyŋ dästürlı än-küiı men önerın keŋınen nasihattauǧa jol aşyldy.
Özbekälı Jänıbekovtıŋ esımı Nauryz merekesınıŋ qaita jaŋǧyruymen, sondai-aq qazaqtyŋ bırtuar tūlǧalarynyŋ tarihi mūrasyn halqyna qaitaru ısımen tyǧyz bailanysty.
Ol Mırjaqyp Dulatov, Jüsıpbek Aimauytov, Maǧjan Jūmabaev, Şäkärım Qūdaiberdiev syndy arystardyŋ esımderın ūlyqtauǧa jäne şyǧarmaşylyq mūrasyn el igılıgıne qaita ūsynuǧa belsene atsalysty.
Memlekettık tıldıŋ märtebesın köteru baǧytynda da eŋbek etıp, ana tılın damytu baǧdarlamasynyŋ memlekettık tūjyrymdamasyn jasauǧa qatysty.
Özbekälı Jänıbekov ūlttyq mädeniet pen tarihtyŋ san qyryn zerttep, artyna mol ǧylymi-tanymdyq mūra qaldyrdy. Onyŋ qalamynan «Qazaqtyŋ ūlttyq qol önerı», «Jaŋǧyryq», «Uaqyt keruenı», «Jolairyqta», «Qazaq kiımı», «Ejelgı Otyrar», «Taǧdyr taǧylymy» siiaqty eŋbekter düniege keldı.
Būl şyǧarmalarda halqymyzdyŋ salt-dästürı, ūlttyq qolönerı, kiım ülgılerı, tarihi-mädeni mūrasy men ruhani qūndylyqtary keŋınen qamtylǧan.
Eŋbegı elenıp, Özbekälı Jänıbekov bırneşe ret Eŋbek Qyzyl Tu ordenımen jäne medaldarmen marapattaldy.
1998 jyly dünieden ötken körnektı qairatkerdıŋ önegelı joly men ūlt mädenietın damytudaǧy eŋbegı bügınde de öz maŋyzyn joǧaltqan joq. Onyŋ ömırı – ūlttyq mūraǧa adal qyzmet etudıŋ, tarihi jadyny saqtaudyŋ jäne el ruhaniiatyn jaŋǧyrtudyŋ jarqyn ülgısı.
