Bügın – Alaş qozǧalysynyŋ körnektı qairatkerı Ahmet Baitūrsynūlynyŋ tuǧan künı, dep habarlaidy “Adyrna”.
Ǧalym, türkıtanuşy, publisist, pedagog, audarmaşy, qazaq tıl bılımı men ädebiettanu ǧylymdarynyŋ negızın qalauşy Ahmet Baitūrsynūly 1872 jylǧy 5 qyrküiekte qazırgı Qostanai oblysy Jangeldı audanyndaǧy Sarytübek auylynda düniege kelgen.
Ahmet Baitūrsynūly qazaq tıl bılımı men ädebiettanu ǧylymdarynyŋ qalyptasuyna zor üles qosty. Ol ūlttyq jazudy reformalap, qazaq älıpbiın jüieleuge, tıl bılımınıŋ ǧylymi negızderın qalyptastyruǧa eŋbek sıŋırdı. Sonymen qatar aǧartuşylyq qyzmetpen ainalysyp, qazaq qoǧamynyŋ bılım men ǧylymǧa ūmtyluyna yqpal ettı.
1921-1925 jyldary Orynbordaǧy, 1926-1928 jyldary Taşkenttegı Qazaq halyq aǧartu instituttarynda qazaq tılı men ädebietı, mädeniet tarihy pänderınen sabaq berdı. 1928 jyly Almatydaǧy Qazaq memlekettık pedagogika institutyna professor bolyp qyzmetke auysty.
1929 jyly Ahmet Baitūrsynūly Alaş qozǧalysynyŋ özge de qairatkerlerımen bırge tūtqyndalyp, Mäskeudegı Butyrka türmesıne jöneltıldı. Keiın oǧan bırneşe märte jaza taǧaiyndalyp, Arhangelsk pen Batys Sıbırge jer audaryldy.
1934 jyly merzımınen būryn bosatylyp, Almatyǧa oraldy. Alaida tūraqty jūmysqa ornalasa almai, türlı mekemelerde qyzmet atqardy.
1937 jyly 8 tamyzda Ahmet Baitūrsynūly qaita qamauǧa alyndy. Sol jyldyŋ 8 jeltoqsanynda atyldy.
