Búgin - detektıv janrynda qalam terbegen qazaqtyń tuńǵysh jazýshysy Kemel Toqaevtyń týǵanyna 100 jyl.
Qazaq mádenıeti men ádebıetine súbeli úles qosqan qarymdy qalamger 1923 jyly 2 qazanda qazirgi Jetisý oblysy, Qaratal aýdanynda dúnıege kelgen.
Ol Uly Otan soǵysynyń ardageri. 1948 jyly Qazaq memlekettik ýnıversıtetin bitirgen. «Lenınshil jas» (qazirgi «Jas Alash»), «Qazaqstan pıoneri» (qazirgi «Ulan»), «Soıalıstik Qazaqstan» (qazirgi «Egemen Qazaqstan») gazetteri redakııalarynda jaýapty qyzmetter atqarǵan.
1960–1977 jj. Qazaq KSR Joǵarǵy Keńesi «Vedomostarynyń» bas redaktory bop istegen, 1980–1984 jj. Qazaqstan Jazýshylar odaǵynyń ádebı keńesshisi bolǵan.
Keńes chekısteri taqyrybyna arnalǵan onnan astam kitaby qazaq jáne orys tilderinde basylyp shyqty. Qazaqstan Jazýshylar odaǵy men Qazaq KSR Ishki ister mınıstrligi jarııalaǵan ádebı báıgelerde birinshi báıge alyp, tórt márte laýreat atandy (1956, 1972, 1977, 1980). «Qyzyl komıssar», «Qylmysker kim?» jáne «Sıqyrly syrlar» dep atalatyn pesalardyń da avtory.
Uly Otan soǵysynyń I jáne II dárejeli ordenderimen, eki márte «Erligi úshin» medalimen jáne basqa kóptegen medaldarmen, Qazaq KSR Joǵarǵy Keńesiniń Qurmet Gramotalarymen, KSRO Ishki ister mınıstrliginiń Qurmet Gramotasymen jáne omyraýǵa taǵatyn arnaýly belgisimen marapattalǵan. 1986 jyly ómirden ótken.
Aıta keteıik, Kemel Toqaev - Qazaqstan Prezıdenti Qasym-Jomart Toqaevtyń ákesi. Bıyl jazýshynyń 100 jyldyq mereıtoıyna arnalǵan is-sharalar elimizdiń birneshe qalasynda jáne Ázirbaıjan men Túrkııada atap ótildi. Alaıda Qazaqstan Prezıdenti ol sharalardyń eshqaısysyna qatyspady.
