Bügın - Mūhtar Maǧauinnıŋ tuǧan künı. Qazaq halqynyŋ maŋdaiyna bıtken bıregei jazuşy seksen üş jasqa tolyp otyr.
Ol 1940 jyly Şyǧys Qazaqstan oblysy Aiagöz audanynda düniege keldı. Qazırgı äl-Farabi atyndaǧy Qazaq ūlttyq universitetın bıtırgen.
«Qazaq ädebietı» gazetınıŋ bölım meŋgeruşısı, «Jazuşy» baspasy, «Jalyn» jurnaly bas redaktorlarynyŋ orynbasary, Ädebiet instituty jäne Qazaqstan Respublikasy Bılım jäne ǧylym ministrlıgınıŋ aǧa ǧylymi qyzmetkerı, Abai atyndaǧy Qazaq ūlttyq pedagogikalyq universitetınıŋ aǧa oqytuşysy, dosentı, «Jazuşy» baspasynyŋ, «Jūldyz» jurnalynyŋ bas redaktory qyzmetterın atqarǧan.
«Keşqūrym» atty alǧaşqy äŋgımesı 1964 jyly «Jūldyz» jurnalynda jariialanǧan.
«Aqşa qar», «Bır atanyŋ balalary», «Qiiandaǧy qystau», «Kök kepter» povester men äŋgımeler jinaqtarynyŋ, «Kök mūnar», «Şaqan şerı» romandardyŋ, «Alasapyran» roman-dilogiianyŋ, «Qobyz saryny» atty monografiianyŋ, «Ǧasyrlar bederı», «Qazaq tarihynyŋ älıppesı» ǧylymi-zertteu eŋbekterınıŋ, «Qazaq handyǧy däuırındegı ädebiet» oqulyqtarynyŋ, hrestomatiia jäne basqa da oqu qūraldarynyŋ avtory. «Aldaspan», «Bes ǧasyr jyrlaidy», «Ai zaman-ai, zaman-ai» aqyn-jyrau şyǧarmalary jinaqtarynyŋ antologiiasyn qūrastyrǧan. Köptegen şyǧarmalary basqa elderdıŋ tılderıne audarylǧan.
