Memleket jäne qoǧam qairatkerı, Qazaqstannyŋ Eŋbek Erı, Memlekettık syilyqtyŋ iegerı, Qazaqstan Respublikasy Prezidentı janyndaǧy Ūlttyq ǧylym akademiiasynyŋ vise-prezidentı, fizika-matematika ǧylymdarynyŋ doktory, professor, akademik, Qyzylorda oblysynyŋ qūrmettı azamaty Asqar Serqūlūly Jūmadıldaev 70 jasqa toldy.
Asqar aǧamyzdyŋ öz salasynda aşqan jaŋalyqtary älemdık ǧylymi qauymdastyqtan joǧary baǧa alǧan. Ǧylym jolyndaǧy eŋbekterı men jetıstıkterı arqyly qazaqtyŋ ziiatker, bılımdı ūlt ekenın dünie jüzıne tanytqan.
Jerlesterı «Törtken» jäne «Törtqara» algebrasyn oilap tauyp, ǧylymǧa qazaqşa atau engızgen tūŋǧyş qazaq ǧalymyn, Syr perzentın maqtanyş tūtamyz.
Ol jas ūrpaqqa matematikanyŋ qyr-syryn üiretken jarty ǧasyrǧa juyq uaqytta pedagogikalyq ızdenısın ǧylymmen şeber ūştastyrdy. Europanyŋ bedeldı ǧylymi ortalyqtarynda därıs oquy osy oi eŋbegınıŋ jemısı bolatyn.
Şielı topyraǧynan tülep ūşyp, respublikalyq fizika-matematika mektebın, Mäskeu memlekettık universitetın bıtırgen aǧamyz önegelı ömır jolynda parasat pen paiymnyŋ, eŋbekqorlyq pen ūltjandylyqtyŋ şynaiy ülgısın körsetıp keledı.
Täuelsızdıktıŋ alǧaşqy jyldarynan berı jauapty qyzmetterde şyŋdalyp, ǧylym men memlekettık basqaru ısın qatar tızgındegen kemel tūlǧanyŋ ömır joly – bügıngı buyn üşın ülken mektep.
Onyŋ avtorlyq eŋbekterı elımızdıŋ bılım men ǧylym salasynyŋ äleuetın arttyryp, jastarǧa jol körseter qūndy düniege ainaldy.
Byltyr Asqar aǧamyzdyŋ tuǧan jerı Qyzylordada fizika-matematika mektep-internaty aşylyp, alǧaşqy şäkırtterın qabyldady. Bolaşaqta osy bılım ordasynan akademiktıŋ jolyn quǧan, naqty ǧylymnyŋ şamşyraǧyn jaqqan matematikter şyǧatynyna senımımız mol.
Elımızdegı ǧylym men bılım salasynyŋ äleuetın arttyruǧa sanaly ǧūmyryn arnaǧan Asqar Serqūlūlyn barşa jerlesterınıŋ atynan mereitoiymen qūttyqtaimyz.
Mereilı künde aǧamyzǧa zor densaulyq, ūzaq ǧūmyr, otbasyna baq-bereke tıleimız.
Jaŋa bastamalardy jüzege asyratyn, ǧibratty joldy jalǧaityn jas ǧalymdardy tärbieleudegı adal eŋbegıŋız tabysty bolǧai!
Nūrlybek Nälıbaev
