135 jyl būryn alǧaşqy qazaq därıgerlerınıŋ bırı, Alaş qozǧalysynyŋ qairatkerı İsa Taumyşūly Qaşqynbaev düniege kelgen, dep habarlaidy "Adyrna".
Ol medisina salasynda eŋbek etıp, soǧys jyldarynda Qazaqstanǧa jäne Ortalyq Aziiaǧa köşırılgen gospitaldarǧa jetekşılık ettı.
İsa Qaşqynbaev 1891 jyly qazırgı Batys Qazaqstan oblysy Aqjaiyq audanynda düniege kelgen. Oral realdyq äskeri uchilişesın tämamdap, keiın Qazan universitetınıŋ medisina fakultetınde bılım alǧan.
1917 jylǧy jeltoqsanda ötken II jalpyqazaq sezınde Uaqytşa ūlt keŋesı – Alaşorda müşelıgıne kandidat bolyp sailandy. 1920 jyly 21 mausymda Qazaq RK(b)P oblystyq komitetınıŋ mäjılısınde İsa Qaşqynbaevty «qoǧam üşın qauıptı» adam retınde Zavolje äskeri okrugıne jıberu turaly şeşım qabyldanǧan. Alaida Halyq atqaru komitetınıŋ aralasuymen ol Taşkentke jıberıldı.
Qaşqynbaev 1920 jyly Taşkentte mūsylmandarǧa arnalǧan ölkelık feldşerlık mekteptı ūiymdastyruǧa belsene qatysty. 1930-jyldardyŋ ortasynda Taşkenttegı Semaşko atyndaǧy Funksionaldyq diagnostika institutynda bölım meŋgeruşısı qyzmetın atqardy.
1938 jylǧy 23 säuırde oǧan «kontrrevoliusiialyq ūiymǧa qatysty» degen aiyp taǧylyp, qylmystyq jauapkerşılıkke tartyldy. Alaida taǧylǧan aiyp däleldenbegendıkten, 1939 jylǧy 1 jeltoqsanda türmeden bosatyldy. Ūly Otan soǧysy jyldarynda İsa Qaşqynbaev köşırılıp äkelıngen gospitaldardyŋ jūmysyna jetekşılık ettı. Soǧystan keiın Taşkenttegı Semaşko atyndaǧy Kurortologiia ǧylymi-zertteu institutynda eŋbek ettı.
İsa Qaşqynbaev Qyzyl Jūldyz ordenımen marapattalǧan. Ol Mūhtar Äuezovpen bırge quǧyn-sürgınge ūşyraǧan Alaşorda qairatkerlerınıŋ bırı retınde belgılı.
1929 jyly Taşkentte Qoşke Kemeŋgerūly, Mūhtar Äuezov jäne İsa Qaşqynbaev «kontrrevoliusiialyq ūiymǧa qatysty» degen aiyppen tūtqyndaldy. Keiın olardyŋ ısı boiynşa tergeu jürgızıldı. Abaqtydan 1932 jyly şyqty.
1938 jyly 23 säuırde «Kontrrevoliusiialyq ūiymǧa qatysty» degen aiyppen taǧy da qylmystyq jauapkerşılıkke tartyldy. Bıraq aiyptauşylar bül qylmysyn däleldei almai, 1939 jyly 1 jeltoqsanda türmeden bosatady.
İsa Taumyşūly Qaşqynbaev 1948 jylǧy 12 mamyr qaitys boldy.
