Foto:gov.kz
Türkıstan oblystyq klinikalyq auruhanasynyŋ bazasynda professor, akademik Baimahanovtyŋ jetekşılıgımen jäne A.Syzǧanov atyndaǧy Ūlttyq ǧylymi hirurgiia ortalyǧynyŋ joǧary bılıktı mamandarynyŋ qatysuymen aimaqtaǧy ekınşı bauyr transplantasiiasy sättı jüzege asty, dep habarlaidy "Adyrna".
Būl – Türkıstan oblysynda jasalǧan ekınşı bauyr transplantasiiasy.
Aqparatqa säikes, 54 jastaǧy nauqasta bauyr sirrozy, bırınşılık biliarlyq holangit bauyr-jasuşalyq jetkılıksızdık, parenhimatozdy sarǧaiu, öŋeş tamyrlarynyŋ varikozdy bauyr ensefalopatiiasy bolǧan.
Nauqas bırneşe jyldan berı gastroenterologtyŋ «D» esebınde tūrǧan. Auruy assitpen, portaldy gipertenziiamen jäne splenomegaliiamen asqynǧan. Ūzaq emdeu şaralaryna qaramastan, jaǧdaiynyŋ üdei tüsuıne bailanysty bauyr transplantasiiasy ömırın saqtap qaludyŋ jalǧyz joly boldy.
Donor retınde nauqastyŋ 24 jastaǧy ūly öz erkımen donor boluǧa kelısım berıp, tolyq medisinalyq tekseruden öttı. Absoliuttık qarsy körsetılımder anyqtalǧan joq.
Qazırgı uaqytta nauqas därıgerlerdıŋ dinamikalyq baqylauynda. Otadan keiıngı kezeŋ asqynusyz ötıp jatyr, transplantasiialanǧan bauyrdyŋ qyzmetı bırtındep tūraqtalyp keledı.
