Türkıstandaǧy «Jeŋıs» saiabaǧy aumaǧyndaǧy «Daŋq» memorialdyq keşenınde Ūly Jeŋıstıŋ 81 jyldyǧyna arnalǧan saltanatty ıs-şara öttı. Taǧylymy mol merekelık jiynǧa eŋbek jäne tyl ardagerlerı, ziialy qauym ökılderı, äskeri qyzmetkerler, jastar jäne qala tūrǧyndary qatysty.
Saltanatty räsım barysynda sūrapyl soǧys jyldarynda qaza tapqan bozdaqtardyŋ ruhyna bır minut ünsızdık jariialandy. Sondai-aq «Mäŋgılık alau» basyna gül şoqtaryn qoiu räsımı ūiymdastyrylyp, maidangerler men tyl eŋbekkerlerınıŋ eren erlıgıne taǧzym jasaldy.
Türkıstan oblysynyŋ äkımı Nūralhan Köşerov köpşılıktı Jeŋıs merekesımen qūttyqtap, ekınşı düniejüzılık soǧysyndaǧy halqymyzdyŋ, ardagerlerımızdıŋ janqiiarlyq erlıgı men beibıt ömır jolyndaǧy tarihi eŋbegıne toqtaldy.
– Sızderdı Ūly Otan soǧysyndaǧy Jeŋıstıŋ 81 jyldyǧymen şyn jürekten qūttyqtaimyn! Būl mereke – öşpes erlıktıŋ simvoly. Ekınşı düniejüzılık soǧysta qazaqtar janqiiarlyqpen soǧysyp, erekşe batyrlyq tanytty. Batyrlarymyz ot keşıp, oqqa qarsy tūrdy. Tyldaǧy jūrt ta jan aiamai eŋbek etıp, jeŋıske öz ülesterın qosty. Osylaişa, faşizmge tosqauyl qoiyldy. Memleket basşysy Qasym-Jomart Kemelūly atap ötkendei, Qazaqstan adamzattyŋ ortaq jeŋısıne, ädıldık pen bostandyqtyŋ saltanat qūruyna ölşeusız üles qosty. Elımızden 1,2 millionnan astam jauynger maidanǧa attanyp, teŋ jartysy oralmady. Olardyŋ arasynan talai batyrlar men daŋqty jauyngerler şyqty. 500-den astam jerlesımız Keŋes Odaǧynyŋ Batyry atandy. Oŋtüstık öŋırınen 140 myŋnan astam azamat soǧysqa attanyp, teŋ jartysy otan üşın qūrban boldy. Olardyŋ asqaq ruhy men janqiiarlyǧy – ūmytylmas önege. Bız atalarymyzdyŋ erlıgın därıptep, keler ūrpaqqa jetkıze beremız. Bügınde jeŋıstı jaqyndatqan qart sarbazdarymyzdyŋ qatary sirep barady. Oblysymyzda Ūly Otan soǧysynyŋ nebärı 3 ardagerı ǧana qaldy. Olar – tırı tarih, öşpes önege. Sonymen qatar 3 myŋnan astam tyl ardagerı bar. Memleket tarapynan olarǧa ärdaiym qamqorlyq körsetıle beredı. Bız batyrlarymyzdy eşqaşan ūmytpaimyz. Barşaŋyzdy Jeŋıs künımen taǧy da qūttyqtaimyn! Elımızde ärdaiym beibıtşılık ornasyn! Ūrpaǧymyz aman, Täuelsızdıgımız baiandy bolsyn! – dedı Nūralhan Köşerov.
Türkıstan oblystyq ardagerler keŋesınıŋ töraǧasy Jeŋısbek Mäulenqūlov ardagerlerge qūrmet körsetu – keiıngı ūrpaqtyŋ qasiettı paryzy ekenın atap öttı.
Merekelık jiyn aiasynda qatysuşylar «Daŋq» alleiasyn aralap, erlıkpen qaza tapqan batyrlardyŋ esımderı qaşalǧan eskertkışterge taǧzym ettı. Is-şara konserttık baǧdarlamamen jalǧasyp, patriottyq änder şyrqaldy.
Aita keteiık, Bügınde Türkıstan oblysynda Ūly Otan soǧysynyŋ 3 ardagerı qaldy. Ūly Otan soǧysy qatysuşylaryna teŋestırılgen adamdar – 1462, tyl ardagerlerı – 2 082.
Qazırgı taŋda, Ūly Otan soǧysynyŋ ardagerlerı öŋırdıŋ üş audanynda, atap aitqanda, Sairam, Saryaǧaş, Jetısai audandarynda tūrady. Olarǧa memleket tarapynan tiıstı qoldau körsetılıp keledı. Biyl ardagerlerge 5 million teŋgeden tapsyryldy. Ūly Otan soǧysy qatysuşylaryna teŋestırılgen adamdarǧa, tyl ardagerlerıne, qaitys bolǧan soǧys mügedekterınıŋ äielderıne de zaŋ şeŋberınde bırrettık äleumettık kömek qarastyrylǧan.
