Tedros Adanom Gebreiesus 77 myŋ medisina qyzmetkerınıŋ jalaqysyn köteru jäne alǧaşqy medisinalyq-sanitariialyq kömektı damytu jönındegı şeşımdı atap öttı.
Düniejüzılık densaulyq saqtau ūiymynyŋ (DDSŪ) bas direktory Tedros Adanom Gebreiesus Qazaqstannyŋ densaulyq saqtau men halyqtyŋ äl-auqatyna baǧyttalǧan jūmysyna joǧary baǧa berdı. Ol būl turaly äleumettık jelıdegı paraqşasynda jazdy.
DDSŪ basşysy Prezident Qasym-Jomart Toqaevtyŋ 77 myŋ medisina qyzmetkerınıŋ jalaqysyn köteru jönındegı bastamasyn atap öttı. Onyŋ aituynşa, alǧaşqy medisinalyq-sanitariialyq kömekke investisiia salu, jalpy praktika därıgerlerınıŋ mümkındıkterın keŋeitu jäne medisina kadrlaryn qoldau medisinalyq qyzmetterdıŋ sapasy men qoljetımdılıgın arttyruǧa yqpal etedı.
Tedros Adanom Gebreiesus Qazaqstannyŋ «Barşaǧa arnalǧan densaulyq» jahandyq tūjyrymdamasyn qalyptastyrudaǧy rölın de eske saldy. Osydan jarty ǧasyrǧa juyq uaqyt būryn būl ideia Almaty deklarasiiasynda körınıs tapqan.
Osydan 50 jylǧa juyq uaqyt būryn Qazaqstan Almaty deklarasiiasy arqyly «Barşaǧa arnalǧan densaulyq» jahandyq tūjyrymdamasyn qalyptastyruǧa üles qosty. 2028 jyly osy qūjattyŋ qabyldanǧanyna 50 jyl toluyna orai, Qazaqstan atalǧan ideiany naqty ıske asyrudyŋ maŋyzdy ülgısın körsetudı jalǧastyryp keledı. Densaulyq saqtau salasyndaǧy saiasi qoldaudyŋ maŋyzy zor. Ülgı körsetıp otyrǧany üşın Qazaqstanǧa alǧys aitamyn! - dedı Gebreiesus.
