Foto: primeminister.kz
Qazaqstanda äzırlengen QazVac koronavirusyna qarsy vaksina Düniejüzılık densaulyq saqtau ūiymynyŋ (DDŪ) tırkeuınen ötpedı. Ol onyŋ äzırlenuı men arnaiy zauyt saluǧa qomaqty qarjy jūmsalǧanyna qaramastan oryn alǧan. Būl turaly Hola News jazdy, dep habarlaidy “Adyrna”.
Basylymnyŋ jazuynşa, Densaulyq saqtau ministrı Aqmaral Älnazarova endı QazVac vaksinasyn halyqaralyq deŋgeide tırkeudıŋ orynsyz ekenın mälımdegen.
Pandemiia kezınde vaksinany 300 myŋnan astam qazaqstandyq qabyldaǧan. Preparatty Biologiialyq qauıpsızdık problemalary ǧylymi-zertteu institutynyŋ mamandary äzırledı. Ony jasauǧa 2 milliard teŋgeden astam qarajat bölınse, Jambyl oblysynda zauyt saluǧa şamamen 7 milliard teŋge jūmsalǧan.
Jariialanǧan zertteu nätijelerıne säikes, vaksinanyŋ tiımdılıgı 82 paiyz bolǧan. Alaida preparat halyqaralyq tırkeuden öte almady. 2023–2024 jyldary DDŪ vaksinany tırkeu üşın qosymşa talaptar qoiǧan.
Qazaqstan därılık zattardy retteu jüiesınıŋ jetılu deŋgeiı boiynşa DDŪ-nyŋ üşınşı deŋgeiıne tek 2026 jyldyŋ säuırınde qol jetkızdı.
Hola News mälımetınşe, Densaulyq saqtau ministrı qazırgı jaǧdaida QazVac vaksinasyn tırkeu tiımsız ekenın aitqan.
Onyŋ ornyna Qazaqstan DDŪ jüiesındegı eŋ joǧary, törtınşı jetılu deŋgeiıne qol jetkızu üşın zerthanalyq keşen saludy josparlap otyr. Qūrylys jūmystaryn 2027 jyly bastau közdelgen.
