«Aiaqtan tık tūrǧyzbaityn virus». Resei Qazaqstannan resmi aqparat sūratty

160
Adyrna.kz Telegram
https://adyrna.kz/storage/uploads/jcFccQ09TLssMAkLTRvjnXkFw7k0hMyblCcF5RGW.jpg

Reseidıŋ Tūtynuşylardyŋ qūqyqtaryn qorǧau jäne adam äl-auqatyn baqylau jönındegı federaldyq qyzmetı (Rospotrebnadzor) Qazaqstandaǧy epidemiologiialyq jaǧdaiǧa qatysty resmi aqparat sūratty. Būǧan būqaralyq aqparat qūraldarynda elde «aiaqtan tık tūrǧyzbaityn virus» taralyp jatqany turaly jariialanymdardyŋ şyǧuy sebep bolǧan, dep habarlaidy "Adyrna".

Resei vedomstvosynyŋ baspasöz qyzmetınıŋ habarlauynşa, Qazaqstan Densaulyq saqtau ministrlıgı respublikadaǧy jedel respiratorlyq virustyq infeksiialar (JRVİ) men tūmauǧa qatysty jaǧdaidyŋ tūraqty ekenın mälımdegen. Auruşaŋdyq deŋgeiı mausymdyq ösım körsetkışterıne säikes keledı.

Rospotrebnadzor mälımetınşe, Almaty qalasynda ai basynan berı tynys alu joldary aurularynyŋ belgılerımen 14 myŋ adam medisinalyq kömekke jügıngen. Olardyŋ şamamen 2,8 myŋy – auruhanaǧa jatqyzylǧan balalar.

Almaty qalasynyŋ sanitariialyq-epidemiologiialyq baqylau departamentı medisinalyq kömekke jügınuşıler sanynyŋ artuyn mausymdyq auruşaŋdyqpen bailanystyrdy. Sonymen qatar ata-analardyŋ keibırı balalaryn emhanalarǧa aparmai, bırden auruhanalardyŋ qabyldau bölımderıne jügınetının tüsındırdı.

Osylaişa, Densaulyq saqtau ministrlıgınıŋ mälımetınşe, Qazaqstanda JRVİ men tūmauǧa qatysty epidemiologiialyq jaǧdai tūraqty, al medisinalyq kömekke jügınuşıler sanynyŋ artuy mausymdyq kezeŋmen bailanysty.

Pıkırler