2021 jylǵy 2 maýsymda Bilim jáne ǵylym mınıstri Ashat Aımaǵambetov Abaı atyndaǵy QazUPÝ-dyń Ǵylymı keńesine qatysyp, oqý ornynyń jańa rektory Darhan Bilálovti tanystyrdy, dep habarlaıdy "Adyrna" ulttyq portaly Túrkistan.kz saıtyna silteme jasap.
Mınıstr joǵary oqý ornynyń burynǵy rektory Takır Balyqbaev óte tájirıbeli basshy, buryn Bilim akademııasyn, Ulttyq testileý ortalyǵyn basqarǵan jáne bilim jáne ǵylym vıe-mınıstri bolǵanyn atap ótti. Sonymen qatar ol Takır Balyqbaevqa jemisti jumysy úshin, ýnıversıtetti basqarǵan jyldary jańa ıdeıalarmen ómirge kóptegen jańalyqtar ákelgeni úshin alǵys aıtty. Takır Balyqbaevtyń basshylyǵymen elimizdiń jetekshi pedagogıkalyq ýnıversıteti halyqaralyq deńgeıde damyǵandyǵy, oǵan ulttyq jáne halyqaralyq reıtıngterdiń kórsetkishteri dálel ekendigi basa aıtyldy.
Jańa rektor Darhan Bilálov – AQSh-tyń Soltústik Batys ýnıversıtetinde jáne Pensılvanııa shtaty ýnıversıtetinde bilim alǵan, halyqaralyq uıymdarda, Nazarbaev Ýnıversıtetinde qyzmet istegen bilimdi de bilikti maman. Kóptegen ǵylymı jáne analıtıkalyq eńbekterdiń avtory.
Bilim jáne ǵylym mınıstri Ashat Aımaǵambetov budan ári ýnıversıtettiń aldynda turǵan jańa mindetterge toqtaldy. QR UǴA akademıgi, tarıh ǵylymdarynyń doktory, professor M. Qoıgeldıev, ýnıversıtet ardagerler keńesiniń tóraǵasy, professor B.Álmuhambetov jáne fızıka-matematıka ǵylymdarynyń doktory, professor V.N.Kosov ýnıversıtettiń burynǵy rektory Takır Balyqbaevtyń qyzmetine joǵary baǵa berip, oǵan alǵys aıtty jáne oqý ornynyń jańa basshysy Darhan Bilálovke tabys tiledi.
"Adyrna" ulttyq portaly
