Jaŋa auruhana saludan bastap jalaqyny ösıruge deiın. Carapşy Joldaudyŋ densaulyq saqtau salasyndaǧy basymdyǧyn aitty

371
Adyrna.kz Telegram
https://adyrna.kz/storage/uploads/WXNUbyydFa5klaxS9ddCymkH35PUS7k9jzSO4wHs.jpg

Prezident Qasym-Jomart Toqaevtyŋ joldauynda densaulyq saqtau salasyna qatysty bırneşe maŋyzdy bastama köterıldı. Onyŋ qatarynda 70-ke juyq densaulyq saqtau nysanyn, segız zamandyq perinataldyq ortalyq pen jetı köpbeiındı balalar auruhanasyn salu, sondai-aq alǧaşqy medisinalyq-sanitariialyq kömek körsetetın mamandardyŋ ailyǧyn ösıru mäselesı de bar.

 Būlar medisinalyq infraqūrylymdy jaŋǧyrtuǧa, medisinalyq qyzmettıŋ qoljetımdılıgın arttyryp, azamattardyŋ ömır süru sapasyn jaqsartuǧa baǧyttalǧan. Memleket basşysy belgılegen basymdyqtyŋ maŋyzy turaly Şyǧys Qazaqstan oblystyq ftiziopulmonologiialyq ortalyǧynyŋ direktory Raifa Safiollinova pıkır bıldırdı.
Sarapşynyŋ aituynşa, prezident joldauynyŋ negızgı özegınde adam, onyŋ äl-auqaty men ömır süru sapasy tūr.

 Memleket basşysy äleumettık infraqūrylymdy, sonyŋ ışınde odan ärı jaŋǧyrtudy qajet etetın densaulyq saqtau jüiesın damytuǧa erekşe nazar audardy.
Elımızdıŋ öŋırınde medisinalyq mekemeler salu basym baǧyttyŋ bırıne ainalmaq. Alǧaşqyda auruhanalardy, perinataldyq ortalyqtardy, jedel medisinalyq järdem stansiialary men balalardy oŋaltu ortalyqtaryn qosa alǧanda, 70-ke juyq densaulyq saqtau nysany salynbaqşy.

 Erekşe qajettılıgı bar balalarǧa arnalǧan sport zalyn aşu közdelgen.
«Joldaudyŋ ön boiynda basty oi – adam men elımızde sapaly ömır süruge jaǧdai jasau mäselesı aiqyn körınıs tapqan.

 Densaulyq saqtau salasynyŋ ökılı retınde bırneşe negızgı baǧytty atap öter edım. Ärine, medisinalyq nysandar qūrylysynyŋ auqym alǧany quantady. Būl salanyŋ damuyna jaŋa serpın berıp, infraqūrylymdy jaŋartyp, medisinalyq kömektıŋ sapasyn arttyruǧa sep bolady», – deidı Raifa Safiollinova.

Prezident tapsyrmasynyŋ jeke bır baǧyty ana men balany qorǧauǧa arnalǧan. Qazaqstanda auqymdy qūrylys jūmysynyŋ alǧaşqy kezeŋınde segız zamandyq perinataldyq ortalyq salynady. Sonymen qatar Atyrau, Aqtöbe, Almaty, Şymkent, Qaskeleŋ, Semei men Aqtau qalasynda jetı köpbeiındı balalar auruhanasy, Astanada ekı medisinalyq nysan salynbaq.  

«Joldauda ana men balany qorǧau basymdyǧy naqty belgılengen. Ol üşın zamandyq perinataldyq ortalyqtar men köpbeiındı auruhana salu qajet. Būl balalardy oŋaltu qyzmetın damytady. Eŋ bastysy, balalarymyz sapaly, beiındı jäne mamandanǧan medisinalyq kömek ala alady», – dedı sarapşy.

Joldaudaǧy taǧy bır maŋyzdy baǧyt – alǧaşqy medisinalyq-sanitariialyq kömektı jaŋǧyrtu. Prezident jalpy praktika därıgerlerınıŋ ökılettıkterın keŋeitıp, densaulyq saqtau salasynyŋ bastapqy buynyn qarjylandyru kölemın kezeŋ-kezeŋımen arttyrudy tapsyrdy.

«Alǧaşqy medisinalyq-sanitariialyq kömektı jaŋǧyrtyp, osy deŋgeide jūmys ısteitın mamandardyŋ ökılettıgın keŋeituge erekşe toqtalǧym keledı. Sondai-aq bastapqy buyn mamandarynyŋ jalaqysyn 40 paiyzǧa deiın köteru kerek. Öitkenı nauqasty alǧaş qabyldaityn, aurudy anyqtauǧa qatysatyn – däl osy mamandar. Sondyqtan medisina qyzmetkerlerıne körsetıletın mūndai qoldaudyŋ maŋyzy zor», – deidı Raifa Safiollinova.

Joldauda el damuynyŋ maŋyzdy baǧyttary retınde sifrlandyru men jasandy intellektını engızu mäselesı de qamtyldy. Prezident zamandyq tehnologiialardy ekonomikanyŋ türlı salasy men qoǧamdyq ömırde praktikalyq tūrǧydan qoldanu aiasyn keŋeitudı mındettedı. Raifa Safiollinovanyŋ pıkırınşe, sifrlyq transformasiia densaulyq saqtau jüiesın odan ärı jetıldıru üşın de öte kerek.

Pıkırler