Türkıstanda 16 jastaǧy tuysyn zorlaǧan 71 jastaǧy tūrǧyn sottaldy. Istı oblystyq qylmystyq ıster jönındegı audanaralyq soty qarady, dep habarlaidy «Adyrna» tılşısı.
«Kämelet jasyna tolmaǧan balany zorlap, üiıne ūrlanyp kırdı» degen aiyp taǧylǧan Keles auylynyŋ tūrǧyny 15 jyl 6 aiǧa sottaldy. Jaza merzımı 17 jylǧa deiın berıluı kerek edı. Sot sottaluşynyŋ jasy men densaulyǧyn eskerıp, 15 jyl 6 ai bas bostandyǧynan aiyrdy, – dep tüsındırdı sot töraǧasy Däuren Madaliev.
Sondai-aq er adamǧa ömır boiyna pedagogikalyq qyzmetpen ainalysuǧa jäne kämeletke tolmaǧandarmen jūmys ısteuge tyiym salyndy.
Sotta anyqtalǧandai, aiyptaluşy men jäbırlenuşı körşı tūrǧan. Qyzdyŋ anasy Astanaǧa jūmys babymen ketken, al äkesı ziratta qarauyl bolyp ıstegen. Aiyptaluşy osy sättı paidalanyp, qyzdy zorlaǧan. Zaŋsyz äreketter üş künge sozylǧan. Sonyŋ saldarynan qyz jüktı bolyp qalǧan.
Eske salaiyq, būl oqiǧa turaly 2025 jyldyŋ qazan aiynda belgılı boldy. Alǧaşynda Türkıstan oblysynyŋ Keles audanyndaǧy auyldardyŋ bırınde 15 jastaǧy qyzdyŋ 71 jastaǧy körşısınen bosanǧany turaly aqparat taraǧan.
Keiın Bala qūqyqtary jönındegı uäkıl Dinara Zäkieva keibır jaitty naqtylady. Onyŋ aituynşa, qyz qaŋtar aiynda Astanada bosanǧan, al anasynyŋ aryzy tek qazan aiynda tüsken.
Öŋırlık polisiianyŋ mälımetınşe, bosanǧannan keiın qyz ben anasy jynystyq qatynas özara kelısımmen bolǧanyn aityp, aryz jazudan jäne saraptama jasaudan bas tartqan. Osyǧan bailanysty Keles audany polisiiasy materialdardy nomenklaturalyq esepke alǧan. Alaida 12 qazanda anasy 71 jastaǧy tuysyna qatysty resmi aryz tüsırgen.
