اۋىل شارۋاشىلىعى مينيسترلىگى نۇر-سۇلتاننىڭ سول جاعالاۋىنا كوشتى، دەپ حابارلايدى "ادىرنا".
قازاقستاننىڭ اۋىل شارۋاشىلىعى مينيسترلىگى نۇر-سۇلتاننىڭ سول جاعالاۋىنداعى مينيسترلىكتەر ۇيىنەن 4 ميلليارد تەڭگەگە جۋىق اقشاعا «اق سۇڭقار نت» جشس-نەن ءۇي ساتىپ الدى. اۋدانى 4500 م2 بولاتىن اۋىل شارۋاشىلىعى مينيسترلىگىنىڭ جاڭا كەڭسەسى عيماراتتىڭ ءۇشىنشى كىرەبەرىسىندەگى التىنشى قاباتتا ورنالاسقان.
«اقتسۇڭقار نT» جشس قۇرىلتايشىسى تالعات دانيالۇلى احمەتوۆ بولىپ تابىلادى، ونىڭ جەكە دەرەكتەرى شىعىس قازاقستان وبلىسى اكىمىنىڭ ۇلى دانيال احمەتوۆپەن تولىعىمەن سايكەس كەلەدى. سونداي-اق Ratel.kz اقپاراتتىق پورتالى «اق سۇڭقار نت» جشس جوعارى لاۋازىمدى شەنەۋنىكتىڭ بالاسىنا تيەسىلى ەكەنىن جازادى.
«وسى مۇمكىندىكتى پايدالانا وتىرىپ، «Aق سۇڭقار نت» جشس ءسىزدىڭ كومپانياڭىزعا ودان ءارى دامۋ مەن گۇلدەنۋ تىلەيدى، سونداي-اق ءوزارا ءتيىمدى ىنتىماقتاستىققا سەنىم بىلدىرەدى. «Aق سۇڭقار نت» جشس مەنشىگىندە ماڭگىلىك ەل داڭعىلى، 8-عيمارات، ءۇشىنشى كىرەبەرىس مەكەن-جايى بويىنشا مينيسترلىكتەر ۇيىندە ورنالاسقان، جەكە مەنشىك قۇقىعىنداعى تۇرعىن ەمەس ءۇي-جاي بار، جالپى اۋدانى 4 593 ش.م. سىزدەرگە جالپى قۇنى 3,9 ملرد تەڭگەنى قۇرايتىن وسى تۇرعىن ەمەس ءۇي-جايلاردى ساتىپ الۋدى ۇسىنامىز»، - دەلىنگەن «اق سكار نت» جشس-ءنىڭ اۋىل شارۋاشىلىعى مينيسترلىگىنە جولداعان حاتىندا.
اۋىل شارۋاشىلىعى مينيسترلىگى تەندەردە مينيسترلىكتەر ۇيىنەن كەلەسى سيپاتتامالارى بار بولمەنى ساتىپ العىسى كەلەتىنىن كورسەتتى:
- 4500 م2 تۇرعىن ەمەس ءۇي-جايلار;
- التى قابات جانە ءبىر جەرتولە;
- ەكى ليفت;
- كونديتسيونەرلەر;
- بولەك سانيتارلىق توراپتار;
- جەر كولەمى – 0,0600 گا.
اۋىل شارۋاشىلىعى مينيسترلىگى نەگە كوشۋدە؟
اۋىل شارۋاشىلىعى ءمينيسترى ەربول قاراشۇكەەۆ مينيسترلىك باسقا ۆەدومستۆولارعا جاقىن بولۋ ءۇشىن وڭ جاعالاۋدا ورنالاسقان عيماراتتان مينيسترلىكتەر ۇيىنە كوشىپ جاتقانىن ءتۇسىندىردى.
«ءبىزدىڭ بارلىق مينيسترلىكتەر سول جاعالاۋدا مينيسترلىكتەر ءۇيىنىڭ عيماراتىندا ورنالاسقان. وكىنىشتىسى سول جاققا كوشۋگە مۇمكىندىك بولماي، ۇكىمەتتىڭ ارقاسىندا قارجى تاپتىق. كوپ ۋاقىتتى بوسقا وتكىزبەۋ ءۇشىن ارىپتەستەرىمىزگە جاقىن بولۋ ءۇشىن مينيسترلىكتەر ءۇيىنىڭ ءۇشىنشى كىرەبەرىسىنە كوشۋدى جوسپارلاپ وتىرمىز. ال ءبىزدىڭ عيمارات، تيىسىنشە، مەملەكەت مەنشىگىنە ءوتىپ، ءارى قاراي پايدالانىلا بەرەدى»، - دەدى مينيستر ورتالىق كوممۋنيكاتسيالار قىزمەتىندە وتكەن بريفينگتە.
اۋىل شارۋاشىلىعىنداعى كوپتەگەن ماسەلەلەر شاش ەتەكتەن بولىپ تۇرعاندا، مينيسترلىكتىڭ نەلىكتەن قوشىپ جۇرگەنى جونىندەگى سۇراققا جاۋاپ بەرگەن مينيستر بارلىق قاجەتتى پروتسەدۋرالار ساقتالعانىن ايتتى.
«قازىر ەگجەي-تەگجەيلەرى ەسىمدە جوق، سونىمەن قاتار شەشىمنىڭ قالاي قابىلدانعانى تۋرالى بارلىق اقپاراتتى بەرەمىز. ارينە، باسقا عيماراتقا كوشسەك تە بولار ەدى، بىراق باسقا بارلىق باسقارمالارمەن قاتار وتىرعانىمىز ابزال»، - دەپ ءتۇسىندىردى اۋىل شارۋاشىلىعى مينيسترلىگىنىڭ باسشىسى.
«Aق سۇڭقار نت» جشس دەگەنىمىز نە؟
«Aق سۇڭقار نت» جشس نارىقتا 15 جىلدان استام ۋاقىت جۇمىس ىستەپ كەلەدى. 2015 جىلدان بەرى 91,9 ملن تەڭگە سالىق تولەگەن. 2021 جىلى – 21,5 ملن.تەڭگە.
«Aق سۇڭقار نت» بويىنشا 16 مەملەكەتتىك كەلىسىمشارت بار. 2021 جىلى جشس «ادام رەسۋرستارىن دامىتۋ ورتالىعى» اق مەملەكەتتىك كومپانياسىمەن كەڭسە ءۇي-جايلارىن جالعا بەرۋ تۋرالى ءۇش كەلىسىم-شارتقا وتىردى. «Aق سۇڭقار نت» اق ءۇش كەڭسەلىك ءۇي-جايىن بەردى:
- اۋدانى 50 م2 1,9 ملن.تەڭگەگە;
- اۋدانى 2508 م2 115 ملن.تەڭگەگە;
- اۋدانى 108,7 م2, 1,6 ملن.تەڭگەگە.
2020 جىلى «Aق سۇڭقار نت» سول «ادام رەسۋرستارىن دامىتۋ ورتالىعى» اق-مەن كەڭسەلىك ءۇي-جايلاردى جالعا بەرۋ تۋرالى ەكى كەلىسىم-شارتقا وتىردى.
قۇجاتتار كەلەسى شارتتاردى كورسەتەدى:
98,5 ملن.تەڭگەگە اۋدانى 2 214 م2, ونىڭ ىشىندە پايدالى الاڭى 1 485 م2 ءۇي-جايلاردى جالعا الۋ;
42 ملن تەڭگەگە اۋدانى 621 م2, ونىڭ ىشىندە 421 م2 پايدالى الاڭى بار ءۇي-جايلاردى جالعا بەرۋ.
2019 جىلى «Aق سۇڭقار نت» بىرنەشە ءۇي-جايدى جالعا بەرۋ تۋرالى بەس كەلىسىمشارتقا قول قويدى: تورتەۋى «ادام رەسۋرستارىن دامىتۋ ورتالىعى» اق-مەن جانە بىرەۋى قارجى مينيسترلىگىمەن.
2018 جىلى دا سول «ادام رەسۋرستارىن دامىتۋ ورتالىعى» اق-مەن ەكى كەلىسىم-شارت جاسالعان.
2017 جىلى ءۇش كەلىسىمشارت جاسالدى: ەكەۋى – ەڭبەك رەسۋرستارىن دامىتۋ ورتالىعىمەن، تاعى بىرەۋى – «قازكونتەنت» اق. Ratel.kz 2016 جىلى شىعىس قازاقستان وبلىسىنىڭ اكىمى دانيال احمەتوۆتىڭ ەكى بالاسى بار ەكەنىن جازعان: 33 جاستاعى ادەليا مەن 31 جاستاعى تالعات احمەتوۆ. تالعات احمەتوۆ قازىر 36 جاستا.
تالعات دانيالۇلى احمەتوۆ تۋرالى نە بەلگىلى؟
«بۇرىنعى پرەمەر-ءمينيستردىڭ، ال قازىر شىعىس قازاقستان وبلىسى اكىمىنىڭ ۇرپاقتارى ونداعان كومپانياعا يەلىك ەتەتىن تابىستى بيزنەسمەن. دەگەنمەن، تالعات وتباسىلىق بيزنەستى جۇرگىزۋگە ۇلكەن جاۋاپكەرشىلىك جۇكتەيدى»، - دەلىنگەن پورتال ماقالاسىندا.
Forbes Kazakhstan جۋرنالى «Aق سۇڭقار نت» جشس كاسىپكەر تالعات احمەتوۆكە تيەسىلى دەپ جازادى.
2017 جىلدىڭ مامىر ايىندا ول قازاقستاننىڭ ەڭ باي 50 كاسىپكەرى تىزىمىندە 35-ءشى ورىندا بولدى. جۋرنال ونىڭ بايلىعىن 145 ميلليون دوللارعا باعالاعان. ول كەزدە كاسىپكەر شىعىس قازاقستان وبلىسى وبلىستىق ءماسليحاتىنىڭ دەپۋتاتى بولعان.
Forbes Kazakhstan مالىمەتتەرى بويىنشا تالعات احمەتوۆ پاۆلودار وبلىسىنداعى بىرقاتار كومپانيالارعا يەلىك ەتەدى، سونىڭ ىشىندە «قازەنەرگوكابەل» اق (29,9%), «پاۆلودار نان زاۋىتى» جشس، «KAZ InterGroup PV» جشس، «TASK Holding» جشس، «تەمىرجولشى» جشس، «گلوريا-فارم» جشس. استانا قالاسىنداعى «پاۆلودار كونديتەر فابريكاسى» جشس جانە «ينجينيرينگتىك جابدىقتاۋ كومپانياسى» جشس.
"ادىرنا" ۇلتتىق پورتالى
