Auyl şaruaşylyǧy ministrlıgı Nūr-Sūltannyŋ sol jaǧalauyna köştı, dep habarlaidy "Adyrna".
Qazaqstannyŋ Auyl şaruaşylyǧy ministrlıgı Nūr-Sūltannyŋ sol jaǧalauyndaǧy Ministrlıkter üiınen 4 milliard teŋgege juyq aqşaǧa «Aq sūŋqar NT» JŞS-nen üi satyp aldy. Audany 4500 m2 bolatyn Auyl şaruaşylyǧy ministrlıgınıŋ jaŋa keŋsesı ǧimarattyŋ üşınşı kıreberısındegı altynşy qabatta ornalasqan.
«Aqtsūŋqar NT» JŞS qūryltaişysy Talǧat Danialūly Ahmetov bolyp tabylady, onyŋ jeke derekterı Şyǧys Qazaqstan oblysy äkımınıŋ ūly Danial Ahmetovpen tolyǧymen säikes keledı. Sondai-aq Ratel.kz aqparattyq portaly «Aq sūŋqar NT» JŞS joǧary lauazymdy şeneunıktıŋ balasyna tiesılı ekenın jazady.
«Osy mümkındıktı paidalana otyryp, «Aq sūŋqar NT» JŞS sızdıŋ kompaniiaŋyzǧa odan ärı damu men güldenu tıleidı, sondai-aq özara tiımdı yntymaqtastyqqa senım bıldıredı. «Aq sūŋqar NT» JŞS menşıgınde Mäŋgılık El daŋǧyly, 8-ǧimarat, üşınşı kıreberıs meken-jaiy boiynşa Ministrlıkter üiınde ornalasqan, jeke menşık qūqyǧyndaǧy tūrǧyn emes üi-jai bar, jalpy audany 4 593 ş.m. Sızderge jalpy qūny 3,9 mlrd teŋgenı qūraityn osy tūrǧyn emes üi-jailardy satyp aludy ūsynamyz», - delıngen «Aq skar NT» JŞS-nıŋ Auyl şaruaşylyǧy ministrlıgıne joldaǧan hatynda.Auyl şaruaşylyǧy ministrlıgı tenderde Ministrlıkter üiınen kelesı sipattamalary bar bölmenı satyp alǧysy keletının körsettı:
- 4500 m2 tūrǧyn emes üi-jailar;
- alty qabat jäne bır jertöle;
- ekı lift;
- kondisionerler;
- bölek sanitarlyq toraptar;
- jer kölemı – 0,0600 ga.
«Bızdıŋ barlyq ministrlıkter sol jaǧalauda Ministrlıkter üiınıŋ ǧimaratynda ornalasqan. Ökınıştısı sol jaqqa köşuge mümkındık bolmai, ükımettıŋ arqasynda qarjy taptyq. Köp uaqytty bosqa ötkızbeu üşın ärıptesterımızge jaqyn bolu üşın Ministrlıkter üiınıŋ üşınşı kıreberısıne köşudı josparlap otyrmyz. Al bızdıŋ ǧimarat, tiısınşe, memleket menşıgıne ötıp, ärı qarai paidalanyla beredı», - dedı ministr Ortalyq kommunikasiialar qyzmetınde ötken brifingte.Auyl şaruaşylyǧyndaǧy köptegen mäseleler şaş etekten bolyp tūrǧanda, ministrlıktıŋ nelıkten qöşıp jürgenı jönındegı sūraqqa jauap bergen ministr barlyq qajettı proseduralar saqtalǧanyn aitty.
«Qazır egjei-tegjeilerı esımde joq, sonymen qatar şeşımnıŋ qalai qabyldanǧany turaly barlyq aqparatty beremız. Ärine, basqa ǧimaratqa köşsek te bolar edı, bıraq basqa barlyq basqarmalarmen qatar otyrǧanymyz abzal», - dep tüsındırdı Auyl şaruaşylyǧy ministrlıgınıŋ basşysy.«Aq sūŋqar NT» JŞS degenımız ne? «Aq sūŋqar NT» JŞS naryqta 15 jyldan astam uaqyt jūmys ıstep keledı. 2015 jyldan berı 91,9 mln teŋge salyq tölegen. 2021 jyly – 21,5 mln.teŋge. «Aq sūŋqar NT» boiynşa 16 memlekettık kelısımşart bar. 2021 jyly JŞS «Adam resurstaryn damytu ortalyǧy» AQ memlekettık kompaniiasymen keŋse üi-jailaryn jalǧa beru turaly üş kelısım-şartqa otyrdy. «Aq sūŋqar NT» AQ üş keŋselık üi-jaiyn berdı:
- audany 50 m2 1,9 mln.teŋgege;
- audany 2508 m2 115 mln.teŋgege;
- audany 108,7 m2, 1,6 mln.teŋgege.
«Būrynǧy premer-ministrdıŋ, al qazır Şyǧys Qazaqstan oblysy äkımınıŋ ūrpaqtary ondaǧan kompaniiaǧa ielık etetın tabysty biznesmen. Degenmen, Talǧat otbasylyq biznestı jürgızuge ülken jauapkerşılık jükteidı», - delıngen portal maqalasynda.Forbes Kazakhstan jurnaly «Aq sūŋqar NT» JŞS käsıpker Talǧat Ahmetovke tiesılı dep jazady. 2017 jyldyŋ mamyr aiynda ol Qazaqstannyŋ eŋ bai 50 käsıpkerı tızımınde 35-şı orynda boldy. Jurnal onyŋ bailyǧyn 145 million dollarǧa baǧalaǧan. Ol kezde käsıpker Şyǧys Qazaqstan oblysy oblystyq mäslihatynyŋ deputaty bolǧan. Forbes Kazakhstan mälımetterı boiynşa Talǧat Ahmetov Pavlodar oblysyndaǧy bırqatar kompaniialarǧa ielık etedı, sonyŋ ışınde «Qazenergokabel» AQ (29,9%), «Pavlodar nan zauyty» JŞS, «KAZ InterGroup PV» JŞS, «TASK Holding» JŞS, «Temırjolşy» JŞS, «Gloriia-Farm» JŞS. Astana qalasyndaǧy «Pavlodar konditer fabrikasy» JŞS jäne «İnjiniringtık jabdyqtau kompaniiasy» JŞS.
"Adyrna" ūlttyq portaly
Ūqsas jaŋalyqtar
