ساتۋداعى قۋلىقتار: نەگە دۇكەننەن كوپ زات الىپ قويعانىمىزدى بايقاماي قالامىز؟

1904

جىل سوڭىنا قاراي بارلىق ساۋدا ۇيلەرى ءۇشىن ەرەكشە كۇن - "قارا جۇما" اكتسياسى باستالدى. بۇل ماركەتينگ ايلاسىنىڭ ەڭ جارقىن مىسالدارىنىڭ ءبىرى. ۇلكەن جەڭىلدىكتەر ادامداردى ءتىپتى قاجەت ەمەس نارسەلەردى دە ساتىپ الۋعا يتەرمەلەيدى - ولار دۇكەندەگى ساتىلىمداردى كوبەيتىپ قانا قويمايدى. ماركەتولوگتار ءبىزدى الداپ سوعۋ ءۇشىن تاعى قانداي ادىستەردى پايدالانادى؟

جاعىمدى اۋەن، قىمبات پارفيۋمەريا مەن كوفەنىڭ حوش ءيىسى، ەستەتيكالىق ينتەرەر... مۇنداي اتموسفەرادا شوپينگ جاساۋ تىم كەرەمەت سەزىم جانە ءدال قازىر قاجەت بولىپ كورىنەتىن نارسەنى ساتىپ الۋعا ەركىندىك بەرەدى.

ماركەتولوگتار مۇنى بىلەدى جانە ساتىلىمدى ارتتىرۋ ءۇشىن ءتۇرلى ايلا-امالدارعا بارادى. سولاردىڭ كەيبىرىنە توقتالايىق.

1. مۋزىكا تاڭداۋ
ساۋدا ورتالىقتارىنىڭ دالىزدەرىندە قاتتى مۋزىكا ءجيى وينالادى. بىراق دۇكەنگە كىرگەن بويدا ول سابىرلى، اۋەزدى كۇيگە اۋىسادى. جاعىمدى اۋەننىڭ بۋىمەن دۇكەندە قالاي ۇزاق جۇرگەنىمىزدى، ءتىپتى كەرەك ەمەس زاتتاردى قالاي الىپ كەتكەنىمىزدى بايقاماي دا قالامىز.

سونىمەن قاتار، مۋزىكانىڭ بۇل ءتۇرى ميعا تىنىشتاندىراتىن اسەر بەرەدى. باياۋ اۋەندەر ءبىزدىڭ ساقتىقتى تومەندەتەدى، بۇل ءبىزدى ءيمپۋلسيۆتى ساتىپ الۋعا كوبىرەك اقشا جۇمساۋعا ءماجبۇر ەتەدى.

2. تەرەزەلەر مەن ساعاتتىڭ بولماۋى
كەلۋشى ۋاقىت پەن كەڭىستىك سەزىمىن جوعالتىپ، شوپينگكە تولىعىمەن بەرىلەدى. بۇل قۋلىقتى كازينولاردا دا قولدانادى.

3. كوپ اينا جانە دۇرىس جارىق بەرۋ
كەيبىر ماركەتولوگتار ادامداردىڭ تابيعي نارتسيسسيست ەكەنىنە سەنىمدى، ياعني ولار اينادان ءوزىن كورگەن سايىن ولاردىڭ كوڭىل-كۇيى كوتەرىلەدى.

سونىمەن قاتار، دۇرىس رەتتەلگەن جارىقتاندىرۋدىڭ كومەگىمەن ءبىز اينادا ءوزىمىزدى سۇلۋ جانە ۇزىن سەكىلدى كورەمىز. ال، رەفلەكسياعا تاڭدانا وتىرىپ، ءبىز ءوزىمىزدى جاڭا كيىمدەرمەن، جاڭا ساۋدامەن قۋانتقىمىز كەلەدى.

4. كاسسالاردىڭ الىس ورنالاسۋى
كوبىنەسە دۇكەندەردەگى كاسسالار زالدىڭ ەڭ سوڭىندا ورنالاسادى. وسىعان بايلانىستى ساتىپ الۋشى، بىرىنشىدەن، بارلىق ۇسىنىلعان تاۋارلاردى كورىپ الىپ، سونان سوڭ عانا تولەم تولەۋگە ءبىر-اق بارعاندى ءجون كورەدى.

ەشتەڭە ساتىپ الماي ۋاقىت پەن كۇش جۇمساعىسى كەلەتىندەر از. ءدال سول سەبەپتى كەيبىر گيپەرماركەتتەر قالا سىرتىندا ورنالاسقان – ادام ۇزاق ساپاردان كەيىن ۋاقىتىن بوسقا وتكىزبەۋ ءۇشىن كوپ ساتىپ الۋدى قاجەت دەپ سانايدى.

5. "كۆەست" سىندى جول
تولەم كاسسالارى الىس بولعاندىقتان، ولارعا جەتۋ ءۇشىن وتكەلدەردىڭ، بولىمدەردىڭ جانە زالداردىڭ تۇتاس لابيرينتىنەن ءوتۋ كەرەك. بۇل اسىرەسە ءارتۇرلى جيھازدار مەن قۇرىلىس گيپەرماركەتتەرىنە قاتىستى، بىراق قاراپايىم ساۋدا ورتالىقتارىندا بىردەي پرينتسيپ جۇمىس ىستەيدى. لابيرينت سىندى جولداردان ساتىپ الۋشى ءجۇرۋ بارىسىندا، قۇرى كۇتىپ تۇرماي، دۇكەننىڭ ۇساق-تۇيەك زاتتارىنا دا نازار اۋدارادى.

6. بىردەي ورىنداردا ءبىر تاۋاردى ورنالاستىرۋ
ءسىز زالدىڭ باسىندا، سوسىن ورتاسىندا، سوسىن كاسسادا كەز كەلگەن ءبىر ءونىمنىڭ قايتا كەزدەسكەنىن بايقادىڭىز با؟ ونىمەن ءۇشىنشى نەمەسە ءتورتىنشى «كەزدەسكەندە» سىزدە مىندەتتى تۇردە ءبىر وي بولادى: «مۇمكىن، مەنىڭ ساتىپ الۋىم كەرەك شىعار؟ ..». بۇل وي تەككە كەلمەيتىنى انىق.

7. شاعىن كاسسالار
سونىمەن، ءبىز، ادەتتە، كەزەگىمىزدى كۇتۋىمىز كەرەك بولاتىن كاسساعا جەتتىك. وسى ۋاقىتتا كوپتەگەن ادامدار ساتىپ الۋ قاجەتتىلىگىن تالداي باستايدى - ءدال كاسسادا كوپشىلىگىمىز ماڭىزدى ەمەس بولىپ كورىنەتىن نارسەلەردەن باس تارتىپ جاتامىز.

ساتىپ الۋشىنىڭ وزدىگىنەن ساتىپ الۋدان باس تارتۋىنا جول بەرمەۋ ءۇشىن كاسسالار تىم كىشكەنتاي، قوزعالۋعا ىڭعايسىز ەتىپ جاسالادى. ناتيجەسىندە قاجەتسىز نارسەنى قايتارۋعا ءىس جۇزىندە ەشقانداي مۇمكىندىك جوق.

8. جاساندى سۇرانىس
كەيدە ماركەتولوگتار دا وسى ءادىستى پايدالانادى. سۇرانىستاعى يا بولماسا جۇرتتىڭ ءبارى ساتىپ الىپ جاتقان تاۋاردى ۆيترينادا از قويادى. وسىلايشا تالاس تۋادى. سودان سوڭ ساتۋشىلار، ونىڭ ورنىنا ۇقساس وزگە تاۋارلارىن ۇسىنا باستايدى. اسا ۇلكەن ايىرماشىلىقتى بايقاماعان بىزدەر، قالاي ساتىپ الىپ كەتكەنىمىزدى تاعى بايقاماي قالامىز.

9. كوپتەگەن كافەلەر
ءبىز شارشاعان نەمەسە اش بولعان جاعدايدا، ۇزاق ساۋدا جاساۋدى ويلامايمىز. تەزىرەك ۇيگە قايتۋدى ويلايمىز. بىراق كوپتەگەن فۋد-كورتتار مۇنداي وي ويلاۋعا جول بەرمەيدى! سولاردىڭ ارقاسىندا ساۋدا ورتالىعىنان شىقپاي-اق دەمالىپ، سەرگىپ الامىز. دەگەنمەن، سىزگە تەز ارادا دۇكەنگە ورالۋعا تۋرا كەلەدى، ويتكەنى فۋد-كورتتاردا ەڭ ىڭعايلى، جىلدام تاعامداردىڭ بولۋى تەگىن ەمەس.

10. سىپايى ساتۋشىلار

راسىندا تاجىريبەلى، سىپايى، اق جارقىن ساتۋشىلاردىڭ ارقاسىندا ءبىز وزىمىزگە نازار اۋدارتقىمىز كەلەدى. ولاردىڭ بىزگە بەرگەن كەڭەستەرى شىندىعىندا قولايلى اتموسفەرا تۋدىرادى. كەيدە ولاردىڭ ارباۋىنا قالاي ءتۇسىپ، قالاي قاتە ساۋدا جاساپ قويعانىمىزدى بايقاماي قالاتىندىعىمىز سودان.

بۇل قۋلىقتاردى بىلمەي، ءبىز ءجيى وتكىنشى قالاۋلاردىڭ جەتەگىنە ەرىپ، ورىنسىز ساۋدانىڭ قۇربانىنا اينالامىز. ەندى ءسىزدى الداۋ وڭاي بولمايتىنىنا سەنىمدىمىز!

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket