ايبار ولجاەۆ: يپوتەكا مەرزىمى ءسىزدىڭ مۇمكىندىكتەرىڭىزگە قاراي باعالانۋى ءتيىس

2747
Adyrna.kz Telegram
يپوتەكادا تارازىنىڭ ەكى جاعى بار. اسىرەسە ول مەرزىمگە كەلگەندە بىلىنەدى. ءبىر جاعىنان يپوتەكانى ۇزاق مەرزىمگە الساڭىز، اي سايىنعى تولەمى ازداۋ بولاتىنى تۇسىنىكتى. بىراق ەكىنشى جاعىنان، ارتىق تولەمىڭىز كوبەيەدى. دۇرىس بالانس قايدا جاتىر؟
الدىمەن يپوتەكاعا مەرزىم فاكتورىنىڭ قالاي اسەر ەتەتىنىن قاراستىرايىق:
ارتىق تولەم. مەرزىم اناعۇرلىم كوپ بولسا، ارتىق تولەم دە سوعۇرلىم كوپ. بۇل بازالىق كرەديتتىك پرينتسيپ. كەيدە ارتىق تولەم نەگىزگى قارىز سوماسىنان دا اسىپ كەتۋى مۇمكىن.
يپوتەكانى تولەي الماۋ قاۋپى. قازىرگى زاماندا 10 جىل تۇرماق، ەرتەڭ نە بولاتىنىن بولجاۋ قيىن. مەرزىمنىڭ تىم ۇزاقتىعى بولاشاقتى ناقتى ايقىنداۋعا مۇمكىندىك بەرمەيدى. بۇگىن جاقسى جۇمىستا وتىرساڭىز، ەرتەڭ جۇمىستان ايرىلىپ قالۋىڭىز بەك مۇمكىن. سوندىقتان، وعان دا دايىن بولىپ، مەرزىمدى تاڭداعاندا وسى ءجايتتى ەسكەرۋ كەرەك.
يپوتەكانى مەرزىمىنەن بۇرىن وتەۋ. يپوتەكانى ءىشىنارا، جارتىلاي ەرتەرەك جاۋىپ جاتقان جاعدايدا، قارىز الۋشى نە قارىز مەرزىمىن، نە اي سايىنعى تولەمدى ازايتۋدى تاڭداي الادى. بۇل ەندى ءسىزدىڭ قازىرگى جاعدايىڭىزعا بايلانىستى.
ءومىر ءسۇرۋ ساپاسى سىزگە مەرزىم تاڭداۋ بارىسىندا اسەر ەتەتىن باستى فاكتور ەكەنى راس. ادام قينالعىسى كەلمەيدى. سوندىقتان ول ءتۇرلى ستسەناريلەردى الدىمەن كوز الدىنان وتكىزىپ الادى. ەڭ باستىسى، يپوتەكا مەرزىمى ءسىزدىڭ مۇمكىندىكتەرىڭىزگە قاراي باعالانۋى ءتيىس. مىسالى، ءسىز ۇلكەن نەسيەنى 15 جىل ىشىندە قايتارا المايتىندىعىڭىزدى ءتۇسىنىپ تۇرساڭىز، ونى 25 جىلعا الىڭىز. وسى كەزدە قوسىمشا تابىس ءتۇسىپ جاتسا، يپوتەكانىڭ ءبىر بولشەگىن جاۋىپ وتىرىڭىز.
ۋاقىت/قارجى/جان تىنىشتىعى فورمۋلاسىن قولدانىپ، ەسەپتەسەك:
5 جىلدىق يپوتەكا – اي سايىنعى تولەمى كوپ، بىراق ارتىق تولەمى از بولادى.
10 جىلدىق يپوتەكا – اي سايىنعى تولەمى ءالى دە كوپتەۋ بولادى. بىراق ارتىق تولەم جاعىنان ءسال ۇتاسىز.
15 جىلدىق يپوتەكا – كوپ جاعدايدا بۇل يپوتەكانىڭ ەڭ ىڭعايلى مەرزىمى بولىپ سانالادى. اي سايىنعى تولەمى قولايلى، ارتىق تولەمى دە شەكتەن شىقپايتىن جاعدايدا بولىپ كەلەدى. ءبىز ءدال وسى مەرزىمگە بارىنشا نازار اۋدارۋعا كەڭەس بەرەمىز.
20 جىل نەمەسە ودان دا ۇزاق مەرزىمدى يپوتەكا — بۇل تابىسى تومەن، بىراق سول تابىسى تۇراقتى جاندارعا ارنالعان ۇسىنىس. بىراق ارتىق تولەۋ سوماسى بانك قارىزىنان اسىپ كەتۋى مۇمكىن.
يپوتەكانى قاي مەرزىمگە الارىن تەك ءوزىڭىز شەشەسىز عوي ارينە. بىراق مەن پايداسىز كەڭەستەر بەرمەيمىن.
ايبار ولجاەۆ،
"ادىرنا" ۇلتتىق پورتالى
پىكىرلەر