Air Astana جولاۋشىلاردىڭ ۇشۋى الدىندا ەرىكتى تۇردە سالماعىن ولشەيدى، دەپ حابارلايدى "ادىرنا" ۇلتتىق پورتالى.
"9 تامىزدان 31 تامىزعا دەيىنگى كەزەڭدە الماتى مەن نۇر-سۇلتان اۋەجايلارىنان ىشكى جانە حالىقارالىق رەيستەرمەن ۇشاتىن 18 جاستان اسقان اۋە كومپانياسىنىڭ جولاۋشىلارىنا ەرىكتى سالماق ولشەۋ ۇسىنىلادى", دەپ مالىمدەدى «Air Astana» اق ءباسپاسوز قىزمەتى.
اۆياكومپانيا جولاۋشىلاردى ۇشۋ الدىنداعى ولشەۋ اۋە كەمەسىنىڭ بالانسىن ورناتۋ ءۇشىن ستاتيستيكالىق مالىمەتتەردى جيناۋ ماقساتىندا حالىقارالىق اۋە كولىگى قاۋىمداستىعىنىڭ (IATA) ەرەجەلەرىنە سايكەس جۇرگىزىلەتىنىن ءتۇسىندىردى.
"بۇل پروتسەدۋرانى اسسوتسياتسياعا مۇشە اۆياكومپانيالار ءار بەس جىل سايىن جۇرگىزەدى. تارازىعا ولشەنۋ جولاۋشىنىڭ جىنىسىنا قاراي بولىنگەن ارنايى بەلگىلەنگەن جەرگە ۇشۋعا تىركەلگەننەن كەيىن جۇزەگە اسادى. پروتسەدۋرا قۇپيا اقپاراتتى جيناۋدى قاراستىرمايدى. ولشەۋ راسىمىنەن وتكەن جولاۋشىلار ۇتىستى لوتەرەيانىڭ قاتىسۋشىلارى بولادى", دەيدى "Air Astana" اق ءباسپاسوز قىزمەتى.
تارازىعا ولشەۋ ءراسىمى، اۆياكومپانيا اتاپ وتكەندەي، «اۆيابيلەتتەردىڭ قۇنىنا ەش اسەر ەتپەيدى جانە تەك ۇشۋ قاۋىپسىزدىگىن جاقسارتۋ ءۇشىن عانا جۇرگىزىلەدى».
"ادىرنا" ۇلتتىق پورتالى"
