بۇگىننەن باستاپ ايەلدەرگە ارنالعان «ۇماي» يپوتەكاسى ىسكە قوسىلدى. بۇل تۋرالى «وتباسى بانكىنىڭ» ءباسپاسوز قىزمەتى مالىمدەدى، دەپ حابارلايدى "ادىرنا" ۇلتتىق پورتالى.
جاڭا باعدارلاما نەسيەنى 15% باستاپقى جارنامەن نەمەسە دەپوزيتكە سالىم سالماي-اق راسىمدەۋگە مۇمكىندىك بەرەدى.
«باعدارلاما بويىنشا نەسيە مولشەرلەمەسى 12% جانە الداعى ۋاقىتتا، ياعني تۇرعىن ءۇي زاەمىنا اۋسقان كەزدە نەسيە مولشەرلەمەسى 3,5%-عا دەيىن تومەندەيتىن بولادى. باعدارلاما بويىنشا تۇرعىن ءۇيدىڭ ەڭ جوعارعى قۇنى – 30 ملن تەڭگەگە دەيىن. باعدارلاماعا قاتىسۋ ءۇشىن وتباسىنىڭ جالپى تابىسى 320 مىڭ تەڭگەدەن اسپاۋى ءتيىس»، - دەلىنگەن حابارلامادا.«ۇماي» ايەلدەر يپوتەكاسى بويىنشا قاراجاتتى تۇرعىن ءۇيدى العاشقى نەمەسە قايتالاما نارىقتان ساتىپ الۋعا دا، جىلجىمايتىن مۇلىكتى جوندەۋگە دە پايدالانۋعا بولادى. جوندەۋ جۇمىستارىنا 3 700 000 تەڭگەگە دەيىن الۋعا بولادى. شارت بويىنشا كليەنت جوندەۋ جۇرگىزىلەتىن تۇرعىن ءۇيدىڭ مەنشىك يەسى نەمەسە بىرنەشە مەنشىكتەرىنىڭ ءبىرى بولۋى ءتيىس. نەسيە راسىمدەۋشىنىڭ اتىندا باسپانا بار-جوعى تەكسەرىلمەيدى. ەگەر كليەنتتىڭ تابىسى جەتكىلىكسىز بولسا وندا كەز كەلگەن 1 نەمەسە 2 ادامدى قوسا قارىز الۋشى رەتىندە شاقىرۋىنا بولادى. ال نەسيەنىڭ ەڭ ۇزاق مەرزىمى – 25 جىل.
"ادىرنا" ۇلتتىق پورتالى
ۇقساس جاڭالىقتار
