«كومىر گەنەراتسياسىن دامىتۋ» ۇلتتىق جوباسى اياسىندا ەنەرگەتيكا سالاسىنىڭ كادرلىق تۇراقتىلىعىن قامتاماسىز ەتۋگە ەرەكشە نازار اۋدارىلادى.
جاڭا ەلەكتر ستانتسيالارىن سالۋ جانە قولدانىستاعى گەنەراتسيالاۋشى قۋاتتاردى جاڭعىرتۋ جوبالارىن ىسكە اسىرۋ ەنەرگەتيكا سالاسىنىڭ كادرلىق الەۋەتىن جۇيەلى تۇردە نىعايتۋدى تالاپ ەتەدى. قازىرگى ۋاقىتتا گەنەراتسيا سەكتورىندا بىرقاتار قۇرىلىمدىق ماسەلەلەر بايقالادى، ونىڭ ىشىندە قىزمەتكەرلەردىڭ ورتاشا جاسىنىڭ جوعارى بولۋى، بىلىكتى ماماندار تاپشىلىعى جانە زاماناۋي تسيفرلىق تەحنولوگيالار مەن اۆتوماتتاندىرۋ سالاسىندا قۇزىرەتتەرى بار جاس مامانداردىڭ جەتكىلىكسىز كەلۋى بار.
وسىعان بايلانىستى كادرلىق رەسۋرستاردى دامىتۋعا باعىتتالعان كەشەندى شارالار قاراستىرىلعان. نەگىزگى باعىتتاردىڭ ءبىرى — كادرلاردى دايارلاۋ جانە ولاردىڭ بىلىكتىلىگىن ارتتىرۋ جۇيەسىن جەتىلدىرۋ. ەنەرگەتيكا كاسىپورىندارىنىڭ قىزمەتكەرلەرىن قايتا دايارلاۋ جانە وقىتۋ باعدارلامالارىن كەڭەيتۋ جوسپارلانۋدا، ونىڭ ىشىندە زاماناۋي باسقارۋ جۇيەلەرىمەن جۇمىس ىستەۋ، تسيفرلىق تەحنولوگيالار، ونەركاسىپتىك قاۋىپسىزدىك جانە ەكولوگيالىق ستاندارتتار بويىنشا ءبىلىم بەرۋ كوزدەلگەن.
سونىمەن قاتار ەنەرگەتيكا سالاسىنىڭ تارتىمدىلىعىن ارتتىرۋ بويىنشا جۇمىس كۇشەيتىلەدى. اتاپ ايتقاندا، ەڭبەك جاعدايلارىن جاقسارتۋ جانە قىزمەتكەرلەردىڭ الەۋمەتتىك پاكەتىن دامىتۋ بويىنشا شارالار قاراستىرىلعان.
قىزمەتكەرلەردى تۇرعىن ۇيمەن قامتاماسىز ەتۋ ماسەلەسىنە ەرەكشە كوڭىل بولىنەدى. ەنەرگەتيكا كاسىپورىندارىنىڭ قىزمەتكەرلەرىن باسپانامەن قامتۋ ءۇشىن جۇمىس بەرۋشىلەردىڭ قاتىسۋىن كوزدەيتىن «وتباسى بانك» اق-نىڭ «كورپوراتيۆتىك» باعدارلاماسى نەگىزىندە جەڭىلدەتىلگەن نەسيەلەۋ تەتىكتەرىن پايدالانا وتىرىپ، كورپوراتيۆتىك تۇرعىن ءۇي باعدارلامالارىن ەنگىزۋ جوسپارلانۋدا.
اتالعان شارالاردى ىسكە اسىرۋ جاس مامانداردى تارتۋعا، كادرلاردىڭ بىلىكتىلىك دەڭگەيىن ارتتىرۋعا جانە جاڭا ءارى جاڭعىرتىلعان ەنەرگەتيكالىق قۋاتتاردى ءتيىمدى پايدالانۋعا قاجەتتى تۇراقتى كادرلىق بازانى قالىپتاستىرۋعا مۇمكىندىك بەرەدى.
