اقش-تىڭ اۋرۋلاردى باقىلاۋ جانە الدىن الۋ ورتالىعى قازاقستاندى COVID-19 تارالۋى بويىنشا اسا قاۋىپتى ساياحات ورىندارىنىڭ تىزىمىنە قوسىپ، تۋريستەرگە ەسكەرتۋ جاسادى، دەپ حابارلايدى «ادىرنا» ءتىلشىسى.
قازاقستان اقش -تىڭ اۋرۋلاردى باقىلاۋ جانە الدىن الۋ ورتالىعى ساياحاتقا شىعۋدى ۇسىنبايتىن ەلدەردىڭ تىزىمىنە ەندى.
«ەگەر ءسىز قازاقستانعا باراتىن بولساڭىز، ساپار الدىندا ۆاكتسيناتسيانىڭ تولىق كۋرسىنان ءوتىڭىز. قازىرگى جاعدايعا بايلانىستى بۇل ەلدە ءتىپتى ۆاكتسينا العان تۋريستەر دە Covid-19 جۇقتىرۋى مۇمكىن»، - دەلىنگەن سايتتا.
ساياحاتشىلارعا بىرقاتار شارتتاردى ورىنداۋعا كەڭەس بەرىلەدى - بەتپەردە كيۋ جانە الەۋمەتتىك قاشىقتىقتىقتى ساقتاۋ.
بارلىعى اسا قاۋىپتى ايماق ساناتىندا 70 باعىت تىركەلگەن. بۇل نەگىزىنەن وڭتۇستىك امەريكا، افريكا مەن ورتالىق ازيا ەلدەرى، سونىمەن قاتار بىرقاتار ەۋروپا ەلدەرى: ۇلىبريتانيا، يسپانيا، نيدەرلاندى، پورتۋگاليا. سونىمەن قاتار، 16 شتات قاۋىپتىلىك دارەجەسى بويىنشا ءتورتىنشى دەڭگەيگە جاتقىزىلدى.
Cdc.gov سايتىنان سكرينشوت
"ادىرنا" ۇلتتىق پورتالى
