Instagram ءالەۋمەتتىك جەلىسىندە پاراقشالارىن قىزىقتى جۇرگىزەتىن، وقىرماندارعا ساپالى كونتەنت ۇسىناتىن بيزنەس-اككاۋنتتاردىڭ رەيتينگى جاسالدى.
الەۋمەتتىك جەلى وقىرماندارىنىڭ باسىم بولىگى – جاس ءارى الەۋمەتتىك بەلسەندى ينتەرنەت پايدالانۋشىلار. جاقسى يميدج قالىپتاستىرۋ كومپانيانى دامىتۋدىڭ نەگىزگى قۇرالدارىنىڭ ءبىرى ەكەنى بەلگىلى. وقىرمانداردى پاراقشالارىنا قىزىقتىرۋ ءۇشىن ماماندار ءتۇرلى تاسىلدەردى قولدانۋدا.
Wەproject.media ينتەرنەت-باسىلىمى SMM سالاسىن جاقسى مەڭگەرگەن 10 ۇزدىك قازاقستاندىق كومپانيانى تاڭدادى. رەيتينگ ناتيجەسى بويىنشا م.س. نارىكباەۆ اتىنداعى كازگيۋ ۋنيۆەرسيتەتىنىڭ Instagram-پاراقشاسى ۇزدىكتەر قاتارىندا.
ينتەرنەت-باسىلىم جاريالاعان ماقالادا جوو اككاۋنتى باسقالاردان نەسىمەن ەرەكشەلەنەتىنى جازىلعان: «ۋنيۆەرسيتەت Instagrاm-پاراقشاسىن جۇرگىزىپ قانا قويماي، ستۋدەنتتەر مەن بولاشاق تۇلەكتەرگە وقۋ ورنىنىڭ جاڭا ءيميدجىن قالىپتاستىراتىن وزىندىك مەدياسىن ۇسىنادى. پاراقشاسىندا ستۋدەنتتەرمەن سۇحبات، پايدالى كەڭەستەر، كۇلكىلى كارتوچكالار مەن وقۋ ورنى تۋرالى ماڭىزدى اقپاراتتاردى جاريالايدى».
اتاپ وتەيىك، «اتامەكەن» ۇلتتىق كاسىپكەرلەر پالاتاسى شىعارعان رەيتينگ ناتيجەسى بويىنشا كازگيۋ ۋنيۆەرسيتەتى 2020 جىلدىڭ ۇزدىك جوعارى وقۋ ورنى اتاندى. زەرتتەۋ جۇمىستارى قر ءبىلىم جانە عىلىم مينيسترلىگىنىڭ تاپسىرىسىمەن جۇرگىزىلدى. رەيتينگكە قر ءىىم، قر ۇقك مەن قورعانىس مينيسترلىگىنە قاراستى ۋنيۆەرسيتەتتەردەن باسقا بارلىق جوو قاتىستى.
"ادىرنا" ۇلتتىق پورتالى
كازگيۋ ۋنيۆەرسيتەتىنىڭ ءباسپاسوز قىزمەتى
