"قازاقستان سەنىمسىز وداقتاس، ونىڭ باسشىلىعى ەكى ءجۇزدى، رەسەي بۇل مەملەكەتپەن قارىم-قاتىناسىن قايتا قاراۋى كەرەك" دەپ 31 ناۋرىزدا REGNUM تىلشىسىنە مگيمو اسكەري-ساياسي زەرتتەۋلەر ورتالىعىنىڭ جەتەكشى ساراپشىسى ميحايل الەكساندروۆ ايتتى، دەپ حابارلايدى "ادىرنا" سايتى.
ەسكە سالايىق، قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى تيمۋر سۇلەيمەنوۆ EURACTIV-كە بەرگەن سۇحباتىندا قازاقستان رەسەي فەدەراتسياسىن قولدامايتىنىن جانە رەسەيگە قارسى سانكتسيالار رەجيمىن ساقتاۋعا نيەتتى ەكەنىن مالىمدەگەن.
«سۇلەيمەنوۆتىڭ «قازاقستان ەو مەن اقش-تىڭ رەسەيگە قارسى سانكتسيالارىن اينالىپ ءوتۋ قۇرالى بولمايدى» دەگەن مالىمدەمەسى قازاقستان باسشىلىعىنىڭ بۇرىننان كەلە جاتقان ەكىجۇزدىلىگىن كورسەتەدى»، - دەدى ساراپشى. قازاقستان قيىن جاعدايدا وعان سەنۋگە بولمايتىن سەنىمسىز وداقتاس، دەپ اتاپ ءوتتى ساياساتتانۋشى.قازاقستان ءوزىنىڭ گەوگرافيالىق ورنالاسۋىنا جانە سىرتقى نارىققا شىعاتىن ترانزيتتىك جولدارىنىڭ شەكتەۋلىلىگىنە بايلانىستى رەسەيمەن ىنتىماقتاسۋعا، ەاەو جانە ۇقشۇ-عا مۇشە بولۋعا ءماجبۇر. دەگەنمەن، ول بۇل ىنتىماقتاستىقتى ءبىر جاقتى جول رەتىندە قاراستىرادى، مۇندا ولار وزدەرىنىڭ باس پايداسى ءۇشىن بىرنارسە الىپ قالسام دەيدى، كومەككە كەلگەندە تۇك جوق»، - دەدى الەكساندروۆ.
«بۇل جاعدايدا دا قازاقستان باتىسپەن بايلانىسىن ساقتاپ قالۋعا تىرىسادى، دەگەنمەن ەاەو باتىسپەن ەندى ءبىر رەجيمدە جۇمىس ىستەي المايتىنى انىق. دەمەك، قازاقستان كىممەن وداقتاس – رەسەيمەن بە، باتىسپەن بە، سونى تاڭداۋى كەرەك. ەگەر بۇل ەلدىڭ رەسەيگە قارسى باتىس سانكتسيالارىنان كەيىن وسى ەلگە ىلەسۋگە نيەتتى ەكەنى بەلگىلى بولسا، ماسكەۋ قازاقستانعا ەكونوميكالىق جەڭىلدىكتەر بەرۋدى توقتاتۋى كەرەك»، - دەپ تۇيىندەدى ساياساتتانۋشى.
"ادىرنا" ۇلتتىق پورتالى
ۇقساس جاڭالىقتار
