وڭتۇستىك كورەيا وتاندىق بومبالاۋشى ۇشاقتارىن شىعارىپ جاتىر. ەلدىڭ وڭتۇستىك كەنسان پروۆينتسياسىندا وتاندىڭ KF-21 "پورامە" ماركالى بومبالاۋشى ۇشاقتارىن شىعارىپ، ەكسپلۋاتاتسياعا قوسۋدا. ۇشاقتارىن Korea Aerospace Industries كومپانياسى جاساپ شىعارعان.
جاقىندا عانا وتكىزىلگەن شاراعا وڭتۇستىك كورەيانىڭ پرەزيدەنتى مۋن چجە ين ءوزى قاتىسىپ، ۇشاقتاردىڭ العاشقى شىعارىلىمىنىڭ تۇساۋىن كەستى. ءوز سوزىندە پرەزيدەنت وتاندىق بومبالاۋشى ۇشاقتاردىڭ ەل قورعانىسى ءۇشىن ماڭىزدىلىعىن ماقتانىشپەن ايتتى.
نەگىزى ۇشاقتاردى شىعارۋ باعدارلاماسى 2016 جىلى قابىلدانعان بولاتىن. بۇل مەملەكەتتىك قورعانىس باعدارلاماسى بويىنشا (DAPA - Defense Acquisition Program Administration) جۇزەگە اسىپ وتىر. كەيىننەن Korea Aerospace Industries وندىرىسىندە ۇشاقتاردى كوپتەپ شىعارۋ جالعاسىن تاپتى. جوباعا العاشىندا 7,7 ميلليارد اقش دوللارى كولەمىندە ينۆەستيتسيا قۇيىلعان.
وتاندىق بومبالاۋشى ۇشاقتاردى وزدەرىندە ءوندىرۋ وڭتۇستىك كورەيا ءۇشىن اقش-تان ساتىپ الۋدان الدەقايدا ارزانعا تۇسكەن. سوندىقتان قورعانىستى قامتاماسىز ەتۋ ءۇشىن وسىنداي قادامدارعا بارعان. قازىر وڭتۇستىك كورەيا مەملەكەتى 20 جىل بويى سوعىس تەحنيكالارىن شىعارىپ كەلەدى.
الداعى ۋاقىتتا ولاردى ەكسپورتقا شىعارۋ كولەمىن ۇلعايتپاق. كورەياعا 5-ءشى بۋىن بومبالاۋشى ۇشىقتاردى شىعارۋعا اقش تەحنولوگيالىق تۇرعىدان كومەك كورسەتۋدە. ناتيجەسىندە KF-21 "پورامە" ماركالى بومبالاۋشى ۇشاقتارى ومىرگە كەلدى.
بەكبولات قارجان،
"ادىرنا" ۇلتتىق پورتالى
