قازاقستاننىڭ قاي ايماقتارىندا جۇمىسشىلار ەڭ كوپ جالاقى الادى – نازارلارىڭىزعا ۇلتتىق ستاتيستيكا بيۋروسىنىڭ مالىمەتتەرىن ۇسىنامىز.
2021 جىلدىڭ ەكىنشى توقسانىندا ءبىر قىزمەتكەردىڭ ورتاشا ايلىق جالاقىسى 251 508 تەڭگەنى قۇراپ وتىر، ءبىرىنشى توقساندا بۇل كورسەتكىش 230 829 تەڭگە بولاتىن. مۇنداي مالىمەتتەردى ۇلتتىق ستاتيستيكا بيۋروسى كەلتىرەدى، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە جاساپ.
«2021 جىلدىڭ ەكىنشى توقسانىندا ءبىر قىزمەتكەردىڭ ورتاشا ايلىق جالاقىسى 251 508 تەڭگەنى قۇرادى. نومينالدى جالاقى يندەكسى 2020 جىلدىڭ ءتيىستى توقسانىندا 118,6%، ال ناقتى – 110,4% قۇرادى»، – دەلىنگەن حابارلامادا.
قاي ايماقتىڭ جۇمىسشىلارى كوپ جالاقى الادى
ايماقتىق جاعدايدا ەڭ جوعارى ورتاشا ايلىق جالاقى اتىراۋ وبلىسىندا تىركەلدى – 398 469 تەڭگە، بۇل ورتاشا رەسپۋبليكالىق دەڭگەيدەن 1,6 ەسە جوعارى. سونىمەن بىرگە ۇزدىك ايماقتار قاتارىندا ماڭعىستاۋ وبلىسى (363 447 تەڭگە) جانە نۇر-سۇلتان قالاسى (344 496 تەڭگە) بار. سولتۇستىك قازاقستان وبلىسىندا اتاۋلى كورسەتكىش 189,8 مىڭ تەڭگەنى قۇرادى، بۇل ورتاشا رەسپۋبليكالىق كورسەتكىشتەن 24,5% تومەن.
قانداي كاسىپتىڭ جالاقىسى جوعارى
سالالىق قۇرىلىمدا ەڭ جوعارى نومينالدى جالاقى قارجىلىق جانە ساقتاندىرۋ قىزمەتىندە تىركەلدى – 472,5 مىڭ تەڭگە (ورتاشا رەسپۋبليكالىق دەڭگەيدەن 1,9 ەسە جوعارى).
سونداي-اق ستاتيستيكاعا سايكەس، ەڭ جوعارى جالاقى تاۋ-كەن ونەركاسىبىندە بايقالادى – 461,8 مىڭ تەڭگە (1,8 ەسە), كاسىبي، عىلىمي جانە تەحنيكالىق قىزمەت سالاسىندا – 356,7 مىڭ تەڭگە (1,4 ەسە) جانە اقپارات پەن بايلانىس سالاسىندا – 338,6 مىڭ تەڭگە (سايكەسىنشە 1,3 ەسە).
ورتاشا ايلىق اتاۋلى جالاقىنىڭ ەڭ تومەنگى دەڭگەيى اۋىل، ورمان، بالىق جانە سۋمەن جابدىقتاۋ سەكتورلارىندا تىركەلدى – 145,6 مىڭ تەڭگە جانە قالدىقتاردى جيناۋعا، وڭدەۋگە جانە جويۋعا، لاستانۋدى بولدىرماۋ ءىس-شارالارى – 146,5 مىڭ تەڭگە.
"ادىرنا" ۇلتتىق پورتالى
