Qazaqstanda ortasha jalaqy mólsheri qanshalyqty ósti?

3622

Qazaqstannyń qaı aımaqtarynda jumysshylar eń kóp jalaqy alady – nazarlaryńyzǵa Ulttyq statıstıka bıýrosynyń málimetterin usynamyz.

2021 jyldyń ekinshi toqsanynda bir qyzmetkerdiń ortasha aılyq jalaqysy 251 508 teńgeni qurap otyr, birinshi toqsanda bul kórsetkish 230 829 teńge bolatyn. Mundaı málimetterdi Ulttyq statıstıka bıýrosy keltiredi, dep habarlaıdy «Adyrna» ulttyq portaly Stan.kz aqparat agenttigine silteme jasap.

«2021 jyldyń ekinshi toqsanynda bir qyzmetkerdiń ortasha aılyq jalaqysy 251 508 teńgeni qurady. Nomınaldy jalaqy ındeksi 2020 jyldyń tıisti toqsanynda 118,6%, al naqty – 110,4% qurady», – delingen habarlamada.

Qaı aımaqtyń jumysshylary kóp jalaqy alady

Aımaqtyq jaǵdaıda eń joǵary ortasha aılyq jalaqy Atyraý oblysynda tirkeldi – 398 469 teńge, bul ortasha respýblıkalyq deńgeıden 1,6 ese joǵary. Sonymen birge úzdik aımaqtar qatarynda Mańǵystaý oblysy  (363 447 teńge) jáne Nur-Sultan qalasy (344 496 teńge) bar. Soltústik Qazaqstan oblysynda ataýly kórsetkish 189,8 myń teńgeni qurady, bul ortasha respýblıkalyq kórsetkishten 24,5% tómen.

Qandaı kásiptiń jalaqysy joǵary

Salalyq qurylymda eń joǵary nomınaldy jalaqy qarjylyq jáne saqtandyrý qyzmetinde tirkeldi – 472,5 myń teńge (ortasha respýblıkalyq deńgeıden 1,9 ese joǵary).

Sondaı-aq statıstıkaǵa sáıkes, eń joǵary jalaqy taý-ken ónerkásibinde baıqalady – 461,8 myń teńge (1,8 ese), kásibı, ǵylymı jáne tehnıkalyq qyzmet salasynda – 356,7 myń teńge (1,4 ese) jáne aqparat pen baılanys salasynda – 338,6 myń teńge (sáıkesinshe 1,3 ese).

Ortasha aılyq ataýly jalaqynyń eń tómengi deńgeıi aýyl, orman, balyq jáne sýmen jabdyqtaý sektorlarynda tirkeldi – 145,6 myń teńge jáne qaldyqtardy jınaýǵa, óńdeýge jáne joıýǵa, lastanýdy boldyrmaý is-sharalary – 146,5 myń teńge.

"Adyrna" ulttyq portaly

Pikirler
Uqsas jańalyqtar