Қазақстанның қай аймақтарында жұмысшылар ең көп жалақы алады – назарларыңызға Ұлттық статистика бюросының мәліметтерін ұсынамыз.
2021 жылдың екінші тоқсанында бір қызметкердің орташа айлық жалақысы 251 508 теңгені құрап отыр, бірінші тоқсанда бұл көрсеткіш 230 829 теңге болатын. Мұндай мәліметтерді Ұлттық статистика бюросы келтіреді, деп хабарлайды «Адырна» ұлттық порталы Stan.kz ақпарат агенттігіне сілтеме жасап.
«2021 жылдың екінші тоқсанында бір қызметкердің орташа айлық жалақысы 251 508 теңгені құрады. Номиналды жалақы индексі 2020 жылдың тиісті тоқсанында 118,6%, ал нақты – 110,4% құрады», – делінген хабарламада.
Қай аймақтың жұмысшылары көп жалақы алады
Аймақтық жағдайда ең жоғары орташа айлық жалақы Атырау облысында тіркелді – 398 469 теңге, бұл орташа республикалық деңгейден 1,6 есе жоғары. Сонымен бірге үздік аймақтар қатарында Маңғыстау облысы (363 447 теңге) және Нұр-Сұлтан қаласы (344 496 теңге) бар. Солтүстік Қазақстан облысында атаулы көрсеткіш 189,8 мың теңгені құрады, бұл орташа республикалық көрсеткіштен 24,5% төмен.
Қандай кәсіптің жалақысы жоғары
Салалық құрылымда ең жоғары номиналды жалақы қаржылық және сақтандыру қызметінде тіркелді – 472,5 мың теңге (орташа республикалық деңгейден 1,9 есе жоғары).
Сондай-ақ статистикаға сәйкес, ең жоғары жалақы тау-кен өнеркәсібінде байқалады – 461,8 мың теңге (1,8 есе), кәсіби, ғылыми және техникалық қызмет саласында – 356,7 мың теңге (1,4 есе) және ақпарат пен байланыс саласында – 338,6 мың теңге (сәйкесінше 1,3 есе).
Орташа айлық атаулы жалақының ең төменгі деңгейі ауыл, орман, балық және сумен жабдықтау секторларында тіркелді – 145,6 мың теңге және қалдықтарды жинауға, өңдеуге және жоюға, ластануды болдырмау іс-шаралары – 146,5 мың теңге.
"Адырна" ұлттық порталы
