ۆەنگريا پرەمەر-ءمينيسترى پەتەر ماديار ۆەنگر ساياساتكەرلەرى مەن دەپۋتاتتارىنىڭ، سونىڭ ىشىندە ءوزىنىڭ دە جالاقىسىن قىسقارتاتىنىن مالىمدەدى، دەپ حابارلايدى «ادىرنا» ءتىلشىسى.
«پرەمەر-ءمينيستردىڭ جالاقىسى، باسقا دا مەملەكەتتىك قىزمەتكەرلەردىڭ جالاقىسى، پارلامەنت مۇشەلەرىنىڭ جانە اكىمدەردىڭ ەڭبەكاقىسى ايتارلىقتاي قىسقارتىلادى»، – دەدى ماديار RTL تەلەارناسىنا بەرگەن سۇحباتىندا.
ونىڭ ايتۋىنشا، پرەمەر-مينيستر رەتىندەگى ايلىق جالاقىسى سالىققا دەيىن 2,3 ميلليون ءفورينتتى (7,4 مىڭ دوللاردان استام) قۇرايدى. ال ۆەنگريا پارلامەنتى دەپۋتاتى رەتىندەگى جالاقىسىمەن بىرگە جالپى تابىسى سالىققا دەيىن 3,8 ميلليون فورينتكە (شامامەن 12,3 مىڭ دوللار) جەتەدى. سونىمەن قاتار ماديار بۇرىنعى پرەمەر-مينيستر ۆيكتور وربان جالاقىسىنىڭ بۇدان ەكى ەسە جوعارى بولعانىن ايتتى.
ۆەنگريا پرەمەرى پارلامەنت دەپۋتاتتارىنىڭ جالاقىسىن قىسقارتۋ ارقىلى ءتورت جىل ىشىندە ەلدىڭ ءبىر جىلدىق بيۋدجەتىنە تەڭ قارجى ۇنەمدەۋگە بولاتىنىن اتاپ ءوتتى.
سونداي-اق ماديار ءجىو ءوسىمى 2%-دان اسادى دەگەن ءۇمىت ءبىلدىردى. الايدا ول ەۋرووداق قورلارىنان بۇعاتتالعان قاراجاتتى قايتارۋ ءۇشىن اۋقىمدى جۇمىس قاجەت ەكەنىن ايتتى. وسىعان بايلانىستى پرەمەر-مينيستر «بيىل جازدا مينيسترلىكتەردە ەشكىم دەمالىسقا شىقپايدى» دەپ ەسكەرتتى.
