بۇگىن قر قارجى نارىعىن رەتتەۋ جانە دامىتۋ اگەنتتىگى بانك سەكتورىن قولداۋعا ۇلتتىق قوردان قانشا اقشا بولىنگەنىن ايتتى.
اگەنتتىك 2008-2016 جىلدار ارالىعىندا بولىنگەن 2007-2008 جىلدارداعى جاھاندىق داعدارىستىڭ تەرىس سالدارىن ازايتۋعا باعىتتالعانىن ەسكە سالىپ ءوتتى.
«مەملەكەتتىڭ ءتورت بانكتىڭ اكتسيالارىن ساتىپ الۋىنا 476,1 ملرد تەڭگە ءبولىندى، ونىڭ 415 ملرد تەڭگەسى قايتارىلدى. بەرىلگەن قاراجات پەن قايتارىلعان سوما اراسىنداعى ايىرماشىلىق بتا بانكىنىڭ اكتيۆتەرى مەن مىندەتتەمەلەرىن ەكى قايتا قۇرىلىمداۋ ناتيجەسىندە پايدا بولدى» دەپ ءتۇسىندىرد قنردا.
2017 جىلدان باستاپ قازكومدى قالپىنا كەلتىرۋ شەڭبەرىندە پروبلەمالىق كرەديتتەر قورى (قكب) بتا بانكىنىڭ پروبلەمالىق اكتيۆتەرىن ساتىپ الدى. الىنعان قاراجات ەسەبىنەن بۇل قارجى ينستيتۋتى (بتا) كازكوم الدىنداعى 2,4 ترلن تەڭگە قارىزىنىڭ وتەۋىن جۇرگىزدى. قنردا-دا قكب-نى ساۋىقتىرۋ جانە ونى كەيىننەن حالىقتىق قورعا قوسۋ سالىمشىلار مەن وزگە دە كرەديتورلاردىڭ اقشاسىن 4 ترلن تەڭگەدەن استام سوماعا ساقتاۋعا مۇمكىندىك بەرگەنىن ايتتى.
سونىمەن قاتار، 2017 جىلى بانك سەكتورىنىڭ قارجىلىق تۇراقتىلىعىن ارتتىرۋ باعدارلاماسىنا سايكەس بەس ءىرى قارجى ينستيتۋتىنا كومەك كورسەتىلدى. ولاردىڭ ۇلەسىنە بۇكىل جۇيەنىڭ نەسيە قورجىنىنىڭ 30%- دان استامى جانە حالىقتىڭ جانە كۆازيمەملەكەتتىك سەكتوردىڭ بارلىق دەپوزيتتەرىنىڭ 25%- ى كەلدى.
«جالپى قولداۋ كولەمى 653,7 ملرد تەڭگەنى قۇرادى. قارجى پروبلەمالىق قارىزداردىڭ جوعارى ۇلەسى قارجى ينستيتۋتتاردىڭ كاپيتالىنا قىسىم كورسەتىپ، ەكونوميكانى نەسيەلەۋ قارقىنىن تەجەۋىنە بايلانىستى ءبولىندى. مەملەكەتتىك كومەك العان بانكتەر بارلىق قاراجاتتى كەلەسى 13 جىل ىشىندە قايتارادى. ناتيجەسىندە مەملەكەت بەرىلگەن 653,7 ملرد تەڭگەنىڭ ورنىنا 1 ترلن تەڭگەدەن استام جالاقى الادى.
ايتا كەتۋ كەرەك، اتالعان قارجى ينستيتۋتتارى 2 ترلن تەڭگەدەن استام نەسيە بەرگەن، - دەپ حابارلادى قنردا.
ۇلتتىق قور وسىدان 19 جىل بۇرىن، 2001 جىلى قۇرىلدى. ساراپشىلار ونىڭ ءوسىم بەرگەن كەزى 2000- 2014 جىلدار اراسىندا بولعانىن ايتادى.
سول جىلدارى ۇلتتىق قوردىڭ 77,2 ملرد دوللارعا جەتتى. بۇدان كەيىنگى جىلداردا ۇلتتىق قوردىڭ قارجىسى ازايا بەردى. سەبەبى ۇكىمەت قارجىلىق جاعدايىن جاقسارتۋ ءۇشىن ەكىنشى دەڭگەيلى «دىمكاس بانكتەرگە ءۇستى-ۇستىنە ۇلتتىق قوردان قوماقتى قارجى ءبولدى. قازىر ۇلتتىق قوردا 58,2 ملرد دوللار .
ال ءاۋ باستاعى جوسپاردا 2020 جىلى ۇلتتىق قوردىڭ قارجىسى 90 ملرد دوللاردى قۇراۋى ءتيىس ەدى. بىراق ونداي كۇن بىزگە ءالى الىستاۋ سياقتى.
2020 جىلى قاڭتار ايىنىڭ سوڭىندا ۇلتتىق قوردىڭ اكتيۆى وتكەن جىلدىڭ سايكەس كەزەڭىمەن سالىستىرعاندا 1,9%-عا كەمىدى دەگەن اقپاراتتى ۇلتتىق بانكتىڭ ءوزى تاراتتى.
وتكەن ايدا ۇلتتىق بانكتىڭ التىن-ۆاليۋتا قورى 2,4%-عا ازايىپ، 30,6 ملرد دوللاردى قۇرادى. بىلتىر بۇل كورسەتكىش 31,3 ملرد دوللارعا تەڭ ەدى.
ەستەرىڭىزگە سالا كەتەيىك، ءماجىلىس دەپۋتاتى ەرلان بارلىباەۆ قازاقستاندىق بانكتەر ولاردى قولداۋعا بولىنگەن قاراجاتتان پايدا كورەدى دەپ مالىمدەدى. ونىڭ ايتۋىنشا، ۇلتتىق قور مەن بيۋدجەتتەن ميللياردتاعان سومانى باعىتتاۋدىڭ ماقساتى قارجى سەكتورىن ساۋىقتىرۋ جانە قاراجاتتى ەكونوميكاعا باعىتتاۋ، ال قارجى ينستيتۋتتاردىڭ ءوزىن بايىتپاۋى ءتيىس.
ول سونداي-اق، مەملەكەت تاراپىنان الىنعان قوماقتى قاراجاتقا قاراماستان، ەكونوميكانى نەسيەلەندىرۋدىڭ جاعدايى مەن شارتتارى قاناعاتتانعىسىز قالىپ وتىرعانىن اتاپ ءوتتى. مۇنداي پىكىردى قازاقستاندىق قارجىگەر وراز جاندوسوۆ تا قولدايدى. «بانكتەردى ساۋىقتىرۋعا ۇلتتىق قوردان قانشا قارجى بولىنگەنى تۋرالى مالىمەتتەردىڭ باسى اشىق. بىراق ونىڭ قايتارۋ ءۇردىسى دە اشىق بولۋى كەرەك. ۇكىمەتتىڭ قولىندا بانكتەردىڭ قارىزدى قاشان قايتاراتىنى تۋرالى ارنايى گرافيك بولۋى كەرەك» دەيدى قارجىگەر.
بۇعان پرەزيدەنت قاسىم-جومارت توقاەۆ بانكتەرگە بيزنەسكە قولايلى شارتتارمەن جانە ۇزاق مەرزىمگە نەسيە بەرۋدى قامتاماسىز ەتۋدى تاپسىردى. ول سونداي-اق ۇلتتىق بانككە وسى ماسەلە بويىنشا ساياساتقا تۇزەتۋلەر ەنگىزۋ تۋرالى تاپسىرما بەردى.
راۋان ءىلياسوۆ،
"ادىرنا" ۇلتتىق پورتالى
