الەم قارقىندى دامىعان ۋاقىتتا، ءبىز كۇن سايىن جاڭارىپ جاتقان تەحنيكالاردى كورىپ ۇلگەرە الماي جاتىرمىز. ءار جىلى شىققان جاڭا تەحنولوگيانى باعاسىنا قاراماي-اق ساتىپ العىمىز كەلەتىنى راس. سەبەبى ول قۇرىلعىلار ادامنىڭ جۇمىسىن جەڭىلدەتۋگە ارنالعان.
سوڭعى جىلدارى اس ءۇيدىڭ حانشايىمدارىنا ارناپ، جاڭا ۇلگىدەگى روبوتتار جاسالدى. بولمەنىڭ شاڭىن تازالاعاندا مۇقيات بولۋ ءۇشىن، سىمسىز شاڭسورعىش ويلاپ تابىلعان.
ەندەشە تاعى قانداي تەحنولوگيالار ءسىزدى تاڭقالدىراتىنىن كورەيىك. سوڭعى جىلدارى ساتىلىمعا شىققان ونەرتاپقىشتاردىڭ جۇمىسىمەن تانىسامىز. كوپتەگەن كومپانيالار جاڭا تەحنولوگيالارعا بايلانىستى حالىققا ىڭعايلى بولاتىن تۇرلەرىن قاراستىرىپ، ءوز نۇسقالارىن ۇسىنىپ كەلەدى.
سىمسىز شاڭسورعىش موتوردىڭ جاڭا تەحنولوگياسىمەن جابدىقتالعان، ول ىڭعايلى ءارى مۇقيات تازالاۋعا مۇمكىندىك بەرەدى. اككۋمۋلياتوردىڭ ءار زاريادى 40 مينۋت جۇمىس ىستەيدى، ال سىزدە كىلەمدەر تازارتۋ كەزىندە جاقسى جۇمىس ىستەۋ ءۇشىن MAX قۋاتىنا اۋىسۋ مۇمكىندىگى بار. سىمسىز شاڭسورعىشتا شاڭدى، قوقىستاردى جانە ءىرى بولشەكتەردى ءبولىپ، ۇستاپ تۇراتىن قۋاتتى تسيكلوندى ءسۇزۋ جۇيەسى دە ورنالاسقان. سىمسىز بولعاندىقتان ءۇيدى تازالاعاندا سىزگە قيىندىق تۋعىزبايدى.
قۇرىلعى جۇمىس ىستەمەي تۇرعان كەزدە ، جەڭىل تۇردە ۇستەلگە تىرەپ قويساڭىزدا ىڭعايلى بولادى. ماشينادا بۇرىلىس ءرۋلى جانە تومەن ءپروفيلدى جەتەك بار، ول سىزگە بولمەدەگى قۋىس-قۋىس بۇرىشتارداعى قالدىقتاردى جيناۋعا كومەكتەسەدى. سونداي شاڭسورعىشتىڭ ءبىر ءتۇرى «روبوت شاڭسورعىش» - دەپ اتالادى.
بۇل قۇرىلعى تىپتەن ۋاقىتىڭىزدى ۇنەمدەيدى. سەبەبى ءوزى ەدەن جۋادى، ءوزى شاڭ سۇرتەدى. ءسىز تەك قوسىپ قويساڭىز جەتكىلىكتى. بۇل شاڭسورعىش 2000 جىلداردان باستاپ ساتىلىمعا شىققان. ءبىر قىزىعى قۇرىلعىنىڭ جاسالۋى ماقساتى، ادامدارعا ەش زاقىم كەلتىرمەۋى ءتيىس بولعان. سونىڭ نەگىزىندە جاسالىپتى. بۇل روبوتتى «الەۋمەتتىك روبوتتار» - دەپ اتاعان. ءوندىرۋشى كومپانيالار جىل سايىن وزگەرتىپ، باعدارلاماسىن جاڭارتۋ ۇستىندە.
ءۇيدىڭ شاڭى ءسۇرتىلىپ، ەدەن جارقىراپ تۇرعان سوڭ ، اس ۇيگە كىرىپ تاماق جاساۋدىڭ قاجەتى جوق . سەبەبى سىزگە كومەككە تاعى روبوت كەلەدى.
"روبوتوتەحنيكا مولي" بريتاندىق كومپانياسى گەرمانيادا وتكەن گاننوۆەر تەحنولوگيالار جارمەڭكەسىندە روبوت-اسپازدىڭ ءپروتوتيپىن ۇسىنعان. روبوت-اسپاز جىلدام قوزعالاتىن ەكى قولدان تۇرادى، ولاردى اس ءۇيدىڭ توبەسىنە ورنالاستىرادى. كۇردەلى قۇرىلعى ادامنىڭ قيمىلدارىن 3D جازىپ الادى، سوسىن سول بويىنشا قيمىلداردى قايتالاي وتىرىپ، ءوز جۇمىسىنا كىرىسەدى.
قازىرگى جاسالىپ جاتقان تەحنولوگيالار ءبىزدى تاڭقالدىرىپ كەلەدى. ادامنىڭ جاساعانىن روبوت جاسايتىن ۋاقىت كەلگەن ساتتە، كوپتەگەن ادامدار جۇمىسسىز قالاتىن سياقتى. تىپتى ماماندىقتار ءتىزىمى بىراز ساتىعا قىسقاراتىنداي.
ايساۋلە كەنەسوۆا
