ەرەكشە قاجەتتىلىكتەرى بار جانداردىڭ جەتىستىگى – تەك جەكە جەڭىس ەمەس، بۇكىل قوعامعا ۇلگى. وسىنداي جىگەر مەن قايسارلىقتىڭ جارقىن مىسالدارىنىڭ ءبىرى – الەمگە تانىمال موتيۆاتسيالىق سپيكەر نيك ۆۋيچيچ. "ادىرنا" ءتىلشىسى تانىمال تۇلعانىڭ قاناتتى سوزدەرىن جيناقتادى.
قيىن تاعدىردان – ۇلكەن جەڭىسكە
نيك ۆۋيچيچ 1982 جىلى اۆستراليادا سيرەك كەزدەسەتىن تۋا بىتكەن سيندروممەن دۇنيەگە كەلدى – ول قولسىز جانە اياقسىز تۋعان. بالالىق شاعى وڭاي بولمادى: قوعامعا بەيىمدەلۋ، ءوزىن قابىلداۋ، قاتارلاستار اراسىنداعى قىسىم – ءبارى ونىڭ ومىرىندە ۇلكەن سىناق بولدى.
ءبىر كەزەڭدە ول ءومىردىڭ ءمانىن جوعالتىپ، اۋىر كۇيزەلىسكە تۇسكەنىن دە جاسىرمايدى. الايدا ۋاقىت وتە كەلە ول ءوز ءومىرىنىڭ قۇندىلىعىن ءتۇسىنىپ، وزگەلەرگە ءۇمىت سىيلاۋدى ماقسات ەتتى.
ءومىردى وزگەرتكەن شەشىم
نيك ءوز السىزدىگىن كۇشكە اينالدىرا الدى. ءبىلىم الىپ، كوپشىلىك الدىندا سويلەۋدى باستادى. بۇگىندە ول الەمنىڭ ونداعان ەلىن ارالاپ، ميلليونداعان ادامعا موتيۆاتسيا بەرىپ جۇرگەن سپيكەر.
ول سونداي-اق بىرنەشە كىتاپتىڭ اۆتورى، وتباسى قۇرعان، ءتورت بالانىڭ اكەسى. ونىڭ ءومىر جولى – مۇمكىندىگى شەكتەۋلى بولسا دا، شەكسىز مۇمكىندىك بار ەكەنىن دالەلدەيدى.
قاناتتى سوزدەرى – ومىرگە موتيۆاتسيا
نيك ءۆۋيچيچتىڭ سوزدەرى كوپتەگەن ادامعا جىگەر بەرەدى:
«ەگەر عاجايىپ كۇتە الماساڭ – ءوزىڭ عاجايىپ بول»
«قۇلاۋ – قورقىنىشتى ەمەس، قايتا تۇرماۋ – قورقىنىشتى»
ء«وزىڭدى قابىلداعان ساتتەن باستاپ ءومىرىڭ وزگەرەدى»
ۇلگى بولاتىن ءومىر
نيكتىڭ ءومىرى – ەرەكشە جاندارعا عانا ەمەس، كەز كەلگەن ادامعا ۇلكەن ساباق. قانداي جاعداي بولماسىن، ومىردەن ءۇمىت ۇزبەۋ، ءوز-وزىڭە سەنۋ جانە العا ۇمتىلۋ – تابىستىڭ باستى كىلتى.
بۇل وقيعا قوعامداعى ينكليۋزيانىڭ ماڭىزىن دا كورسەتەدى. سەبەبى ءار ادامعا مۇمكىندىك بەرىلگەن جەردە عانا شىنايى دامۋ بولادى.
