قازاقستان ۇلتتىق قۇراماسى پاناما-سيتيدە وتكەن FIRST Global Challenge (FGC) 2025 بۇكىلالەمدىك وليمپياداسىندا قاتارىنان ءتورتىنشى رەت جەڭىسكە جەتتى. بۇل تۋرالى دەپۋتات اسحات ايماعامبەتوۆ جاريالادى، دەپ حابارلايدى “ادىرنا”.
الەمنىڭ 190 ەلىنەن كەلگەن كوماندالار اراسىنداعى دودادا قازاقستاندىق وقۋشىلار ەكى جوعارى ماراپات يەلەندى:
- GRAND CHALLENGE AWARD (التىن) – ءتۋرنيردىڭ باس جۇلدەسى;
- ALBERT EINSTEIN AWARD (التىن) – ينجەنەرلىك شەبەرلىك پەن كوماندالىق كوشباسشىلىق ءۇشىن.
قۇرامىندا NIS الماتى-مەدەۋ مەكتەبىنىڭ وقۋشىلارى – راشات دوسىمجان، داۋلەت ءىلياس، ءاليحان ورىنباساروۆ، ماديار اسەتۇلى جانە نۇراسىل تۇرسىنباەۆ بار. جاتتىقتىرۋشىلارى – نۇرداۋلەت دوسماعامبەت، اسىلبەك مۇرزاحمەتوۆ جانە دۋلات بايتۇلەنوۆ.
قازاقستان قۇراماسى بۇعان دەيىن جەنەۆا-2022, سينگاپۋر-2023 جانە گرەكيا-2024جارىستارىندا دا توپ جارعان بولاتىن.
ۇقساس جاڭالىقتار
