تالدىقورعانداعى NIS تۇلەگى دانيل فيليمونوۆ روبوتوتەحنيكا بويىنشا «Beyond Robotics» تەگىن ونلاين كۋرسىن ىسكە قوستى.
تالدىقورعان قالاسىنداعى نازارباەۆ زياتكەرلىك مەكتەبىنىڭ 2020 جىلعى تۇلەگى، نازارباەۆ ۋنيۆەرسيتەتىنىڭ ستۋدەنتى دانيل فيليمونوۆ روبوتوتەحنيكا بويىنشا «Beyond Robotics» تەگىن ونلاين كۋرسىن ىسكە قوستى. كۋرسقا روبوتوتەحنيكا بويىنشا ۇزدىك قازاقستاندىق ترەنەرلەر مەن امەريكاندىق جوو پروفەسسورلارىنىڭ ۆەبينارلارى مەن ونلاين ساباقتارى ەندى. وقىتۋ «Beyond Curriculum» قوعامدىق قورىنىڭ ونلاين-مەكتەبى بازاسىندا وتۋدە.
– كىشكەنتاي كەزىمنەن باستاپ مەنى قۇراستىرۋ يدەياسى قىزىقتىردى، سوندىقتان، نازارباەۆ زياتكەرلىك مەكتەبىنىڭ قابىرعاسىندا روبوتوتەحنيكا ۇيىرمەسىنە جازىلدىم. ءبىزدىڭ جوبالارىمىز حالىقارالىق ارەنادا، دۇنيەجۇزىلىك WRO روبوتتار وليمپياداسىندا ۇسىنىلادى دەپ ءتىپتى ەلەستەتە المادىم. جەڭىستەر از بولعان جوق، ەندى مەن روبوتوتەحنيكانى وقىعىسى كەلەتىندەردىڭ بارلىعىنا كومەكتەسۋ ءۇشىن جاڭا ماقسات قويىپ وتىرمىن، – دەيدى دانيل.
د.فيليمونوۆ – World Robot Olympiad 2019 حالىقارالىق كەزەڭىندە «Open Senior» ساناتىندا ءۇشىنشى ورىن، سونداي-اق، روبوتوتەحنيكا بويىنشا رەسپۋبليكالىق وليمپيادانىڭ التىن مەدالدارىنىڭ (2018, 2019), عارىشتىق زەرتتەۋلەر بويىنشا حالىقارالىق جارىستىڭ ءبىرىنشى دارەجەلى ديپلومىنىڭ (2019), «عارىش. عىلىم. ينتەللەكت» ناۋرىز كەزدەسۋلەرىنىڭ ەكىنشى دارەجەلى ديپلومىنىڭ (2019) يەگەرى.
دانيل ءوز توبىمەن بىرگە روبوتوتەحنيكا بويىنشا 10-نان استام تەگىن ونلاين كۋرسىن، 25 ساعاتتىق ساباقتى، 6 ۆەبيناردى ازىرلەدى، سونداي-اق، كورنەلل جانە ميچيگان ۋنيۆەرسيتەتتەرىنىڭ جۇزدەگەن قوسىمشا ماتەريالدارىن دايىندادى.
وقىتۋ كەز-كەلگەن دايىندىق دەڭگەيى بار قاتىسۋشىلارعا ارنالعان. روبوتوتەحنيكا نەگىزدەرىنەن باستاپ نەيروندىق جەلىلەرگە دەيىن، پراكتيكادا قۇرالدارمەن جۇمىس ىستەۋ ءۇشىن، ءتىپتى، وقىتۋشىلارعا ارنالعان ماتەريالداردى دا قامتيدى. سونداي-اق، پلاتفورمادا پروگرەستى باقىلاۋعا ارنالعان ءۇي تاپسىرمالارى مەن تەستتەر بار. ماتەريالدار قازاق جانە ورىس تىلدەرىندە دە قولجەتىمدى.
كۋرس نەگىزىن قالاۋشى انتون مورگۋنوۆ بولىپ تابىلاتىن «Beyond Curriculum» قوعامدىق قورىنىڭ قولداۋىمەن قۇرىلدى. انتون – تالدىقورعان قالاسىنداعى نازارباەۆ زياتكەرلىك مەكتەبىنىڭ 2017 جىلعى تۇلەگى، حيميا پانىنەن حالىقارالىق جانە رەسپۋبليكالىق وليمپيادالاردىڭ بىرنەشە دۇركىن جەڭىمپازى جانە جۇلدەگەرى، بۇگىندە MIT (ماسساچۋسەتس تەحنولوگيالىق ينستيتۋتى) حيميا جانە بيولوگيا فاكۋلتەتىنىڭ ستۋدەنتى.
Beyond Curriculum – ماتەماتيكا، فيزيكا، حيميا، بيولوگيا، گەوگرافيا پاندەرىنەن تەگىن ءبىلىم الۋعا مۇمكىندىك بەرەتىن ءبىلىم بەرۋ پلاتفورماسى.
