5 سىنىپ وقۋشىسى تۇرمان امانجول حالىقارالىق دەڭگەيدە وتكەن روبوتوتەحنيكا جارىستارىندا ءساتتى ونەر كورسەتىپ، قازاقستاننىڭ ابىرويىن اسقاقتاتتى. ول 2026 جىلدىڭ ناۋرىز ايىندا سينگاپۋردا وتكەن FIRST LEGO League Singapore 2026 چەمپيوناتىنا قاتىسىپ، 2-ورىن يەلەنىپ، جارىس كۋبوگىنىڭ يەگەرى اتاندى، دەپ حابارلايدى “ادىرنا”.
بۇعان دەيىن جاس ونەرتاپقىش “Central Asia FIRST Championship 2026” ازيا چەمپيوناتىندا دا جۇلدەلى 3-ورىندى جەڭىپ العان. بۇل ناتيجە ونىڭ كومانداسىنا 2026 جىلدىڭ تامىز ايىندا قىتايدىڭ بەيجىڭ قالاسىندا وتەتىن “FLL China Champion 2026” حالىقارالىق تۋرنيرىنە قاتىسۋعا مۇمكىندىك بەردى. الداعى دودادا امانجول تاعى دا قازاقستان اتىنان سىنعا تۇسەدى.
سونىمەن قاتار، 2025 جىلى امانجول اقش-تىڭ لوس-اندجەلەس قالاسىندا وتكەن XCEL حالىقارالىق جەكە جارىسىندا Pobotixcel باعىتى بويىنشا 1-ورىن يەلەنىپ، جوعارى دەڭگەيدەگى دايىندىعىن دالەلدەگەن.
جاس قاتىسۋشىنىڭ جەتىستىكتەرى ونىڭ روبوتوتەحنيكا سالاسىنا دەگەن قىزىعۋشىلىعى مەن تاباندىلىعىنىڭ ناتيجەسى. ماماندار مۇنداي جەتىستىكتەر قازاقستانداعى جاس بۋىننىڭ عىلىمي-تەحنيكالىق باعىتقا بەت بۇرىپ كەلە جاتقانىن كورسەتەتىنىن اتاپ وتەدى.
