ۇرعاشى ءيتتى زورلاعان ايۋان بوستاندىقتا ءجۇرىپ بۇلدىرشىندەرگە تيىسەدى

5284

«ادامدى ەمەس ءيتتى زورلاعان». ءيا، قاتە وقىمادىڭىز. بۇل سۇمدىق جاعداي تاراز قالاسىندا ورىن العان. «اقتوس» قورىنىڭ ەرىكتىلەرىنە تيەسىلى ينستاگرام جەلىسىنە قالا تۇرعىنى اۋلاسىنداعى ءيتتىڭ زورلانعانى تۋرالى اقپارات بەرگەن.

بۇل سۇمدىق وقيعا بويىنشا «ادىرنا» ۇلتتىق پورتالىنىڭ ءتىلشىسى «اقتوس» قورىنىڭ ەرىكتىلەرىمەن تىلدەسىپ ءمان-جايدى انىقتاۋعا تىرىستى.

«ءبىزدىڭ ءۇيدىڭ اۋلاسىندا جاپ-جاقسى يت پانالايتىن. ءتىپتى، وعان ىڭعايلى بولسىن دەپ گاراجدىڭ ارتىن كىشكەنە ۇيشىك جاساپ بەردىك. ەكى اپتا بۇرىن گاراج جاقتان قاتتى داۋىستى ەستىدىك. بارساق قاڭعىسباس-ءزووفيلدىڭ ءيتتى زورلاپ جاتقانىن كوردىك. ءبىز ونى قۋىپ جىبەرۋگە قانا تىرىسقانىمىزبەن، كۇنىگە كەشكە كەلىپ الادى. ال تاڭەرتەڭ يتكە قاراۋعا قورقاسىز. ءبىز ۋچاسكەلىك پوليتسيا قىزمەتكەرىن شاقىردىق، بىراق كەلمەيدى. سونىمەن قاتار، ۋچاسكەلىك پوليتسيا قىزمەتكەرى ءيتتى اتىپ تاستايمىن دەپ قورقىتتى».

قورلانعان ءيتتى اتقاننان نە پايدا؟ ناعىز اتىلۋى كەرەك ءۇيسىز ءالى كۇنگە دەيىن بوس جۇرسە؟

 

قالا تۇرعىنى ءوز اتى-ءجونىن جاسىرۋدى قالاعان، سەبەبى، ءيتتى زورلاعان ايۋان ۇستالماسا، وتباسىنا نەمەسە وزىنە ءبىر زيانى تيە مە دەپ قورقادى.

« قىلمىسكەر ۇستالماسا، بىزگە قيانات كورسەتەدى دەپ قاتتى قورقامىز. سەبەبى، سول وقيعا بولعان كۇنى ونى قۋىپ جىبەرگەنبىز. ول وتە اشۋلى بولدى. قورقىنىشتى... ۋچاسكەلىك كەلىپ، بومجدىڭ سومكەسىن لاقتىرىپ تاستادى. ايۋان تابىلادى دەگەن ۇمىتتەمىز»،- دەدى كۋاگەر.

قىزىعى، وسى وقيعادا كۋاگەر بولسا دا، قۇزىرلى ورگان:

«اتالعان اكىمشىلىك ۋچاسكەدە پوليتسيانىڭ كۇندىزگى جانە تۇنگى ناريادتارى كۇشەيتىلدى. جانۋارلارعا قاتىگەزدىك فاكتىسى انىقتالعان جوق. بۇل فاكت بويىنشا ناقتى دالەلدەر مەن كۋاگەرلەر جوق»، — دەگەن بولاتىن.

«اقتوس» قورى جەتەكشىسىنىڭ ايتۋىنشا، ەشكىم ەشكىمدى جازالامايدى. سەبەبى، ءىس بويىنشا ارىز 8 ماۋسىم كۇنى حابارلانعان.

«ەشكىم جازالانبايدى. ونىڭ ۇستىنە، بومج. ءوتىنىش 8 ماۋسىمدا كەلىپ ءتۇستى، ءالى ەشتەڭە جاسالمادى. ءيتتى قانشا ۋاقىت قورلاعانىن ەلەستەتىپ كورىڭىز»،-دەدى قور پرەزيدەنتى يرينا كەللەر.

الەۋمەتتىك جەلىمەن قوسا، تاراز قالاسىنىڭ تۇرعىندارى ينستاگرام جەلىسىندە مەملەكەت باسشىسى قاسىم-جومارت توقاەۆتىڭ، تاراز قالاسى پوليتسيا باسقارماسىنىڭ ينستاگرام اككاۋنتتارىن بەلگىلەپ، بۇل سۇمدىق جاعدايدىڭ اياقسىز قالماۋىن قاداعالاۋعا ءوتىنىش تاستاپ، ءوز پىكىرلەرىن جاۋدىردى.

«2021 جىلى 8 ماۋسىمدا پوليتسياعا وبلىس ورتالىعىنىڭ تۇرعىنىنان قويگەلدى باتىر كوشەسىندەگى گاراجداردىڭ ارتىندا ورنالاسقان، تۇراقتى مەكەن-جايى جوق ادامدارعا شارا قولدانۋ تۋرالى ءوتىنىش ءتۇستى.

ءىس ماتەريالدارى تاراز قالالىق پوليتسيا ءبولىمىنىڭ 1 پوليتسيا بولىمىندە تىركەلدى.

اتالعان فاكت بويىنشا پوليتسيا قاجەتتى تەكسەرۋ شارالارىنىڭ كەشەنىن جۇرگىزۋدە. سونداي-اق، تۇراقتى مەكەن-جايى جوق ادامداردى انىقتاۋ بويىنشا شارالار قابىلدانۋدا»،- دەپ مالىمدەدى تاراز قالالىق پوليتسيا باسقارماسى.

«اقتوس» قورىمەن بايلانىسقا شىققانىمىزدا، قازىر يت قاۋىپسىز جەردە ەكەنىن حابارلادى.

«ينستاگرام جەلىسىنە وسىنداي جانتۇرشىگەرلىك حابار كەلگەن سوڭ، دەرەۋ وقيعا ورنىنا بارىپ، ءيتتى وزىمىزبەن الىپ كەتتىك. ۆيدەوسى دا بار. يت «ۇرعاشى». اتى نايدا. قازىر جاعدايى جاقسى. يممۋنيتەت كوتەرەتىن ۆيتاميندەر بەرىپ جاتىرمىز. اپپەتيتى قالىپتى»،- دەدى قور باسشىسى.

بۇگىن جانۋارلارعا قيانات كورسەتىپ، زورلاعان ادام ەرتەڭ بۇلدىرشىندەرگە تيىسپەسىنە كىم كەپىلدىك بولا الادى؟

«ءبىرىنشى جانۋار، كەيىن ادام. الدىمەن السىزىنەن باستايدى. بارلىق ادام ولتىرۋشىلەر پراكتيكانى جانۋاردان باستايدى»،- دەدى يرينا كەللەر.

ەستەرىڭىزدە بولسا، وسىدان 9 اي بۇرىن ەلوردا ەرىكتىلەرى زورلانعان 4 ءيتتى تاپقانىن مالىمدەگەن بولاتىن. حابارلاۋىنشا، يتتەردىڭ جىنىس مۇشەسىنە ويداي زاقىم كەلگەن.

سوراقىسى، 4 ءيتتىڭ دە ءبىر ۋاقىتتا زورلانعانى بەلگىلى بولدى. بۇل قىلمىس  «استانا ۆەتسەرۆيس» مەكەمەسىنە قاراستى يەسىز جانۋارلارعا ارنالعان يزولياتوردا ورىن العان. زورلانعان يتتەردىڭ ۆيدەوسى زووفيلدەرگە ساتىلعان بولۋى مۇمكىن.

ءىنجۋ ومىرزاق،

«ادىرنا» ۇلتتىق پورتالى

 

 

 

 

 

 

 

پىكىرلەر
ۇقساس جاڭالىقتار