«Adamdy emes ittı zorlaǧan». İä, qate oqymadyŋyz. Būl sūmdyq jaǧdai Taraz qalasynda oryn alǧan. «Aqtös» qorynyŋ erıktılerıne tiesılı instagram jelısıne qala tūrǧyny aulasyndaǧy ittıŋ zorlanǧany turaly aqparat bergen.
Būl sūmdyq oqiǧa boiynşa «Adyrna» ūlttyq portalynyŋ tılşısı «Aqtös» qorynyŋ erıktılerımen tıldesıp män-jaidy anyqtauǧa tyrysty.
«Bızdıŋ üidıŋ aulasynda jap-jaqsy it panalaityn. Tıptı, oǧan yŋǧaily bolsyn dep garajdyŋ artyn kışkene üişık jasap berdık. Ekı apta būryn garaj jaqtan qatty dauysty estıdık. Barsaq qaŋǧysbas-zoofildıŋ ittı zorlap jatqanyn kördık. Bız ony quyp jıberuge qana tyrysqanymyzben, künıge keşke kelıp alady. Al taŋerteŋ itke qarauǧa qorqasyz. Bız uchaskelık polisiia qyzmetkerın şaqyrdyq, bıraq kelmeidı. Sonymen qatar, uchaskelık polisiia qyzmetkerı ittı atyp tastaimyn dep qorqytty».Qorlanǧan ittı atqannan ne paida? Naǧyz atyluy kerek üisız älı künge deiın bos jürse? Qala tūrǧyny öz aty-jönın jasyrudy qalaǧan, Sebebı, ittı zorlaǧan aiuan ūstalmasa, otbasyna nemese özıne bır ziiany tie me dep qorqady.
« Qylmysker ūstalmasa, bızge qiianat körsetedı dep qatty qorqamyz. Sebebı, sol oqiǧa bolǧan künı ony quyp jıbergenbız. Ol öte aşuly boldy. Qorqynyşty... Uchaskelık kelıp, bomjdyŋ sömkesın laqtyryp tastady. Aiuan tabylady degen ümıttemız»,- dedı kuäger.Qyzyǧy, osy oqiǧada kuäger bolsa da, qūzyrly organ:
«Atalǧan äkımşılık uchaskede polisiianyŋ kündızgı jäne tüngı nariadtary küşeitıldı. Januarlarǧa qatygezdık faktısı anyqtalǧan joq. Būl fakt boiynşa naqty dälelder men kuägerler joq», — degen bolatyn.«Aqtös» qory jetekşısınıŋ aituynşa, eşkım eşkımdı jazalamaidy. Sebebı, ıs boiynşa aryz 8 mausym künı habarlanǧan.
«Eşkım jazalanbaidy. Onyŋ üstıne, bomj. Ötınış 8 mausymda kelıp tüstı, älı eşteŋe jasalmady. İttı qanşa uaqyt qorlaǧanyn elestetıp körıŋız»,-dedı qor prezidentı İrina Keller.Äleumettık jelımen qosa, Taraz qalasynyŋ tūrǧyndary instagram jelısınde memleket basşysy Qasym-Jomart Toqaevtyŋ, Taraz qalasy polisiia basqarmasynyŋ instagram akkaunttaryn belgılep, būl sūmdyq jaǧdaidyŋ aiaqsyz qalmauyn qadaǧalauǧa ötınış tastap, öz pıkırlerın jaudyrdy.
«2021 jyly 8 mausymda polisiiaǧa oblys ortalyǧynyŋ tūrǧynynan Qoigeldı batyr köşesındegı garajdardyŋ artynda ornalasqan, tūraqty meken-jaiy joq adamdarǧa şara qoldanu turaly ötınış tüstı. Is materialdary Taraz qalalyq polisiia bölımınıŋ 1 polisiia bölımınde tırkeldı. Atalǧan fakt boiynşa polisiia qajettı tekseru şaralarynyŋ keşenın jürgızude. Sondai-aq, tūraqty meken-jaiy joq adamdardy anyqtau boiynşa şaralar qabyldanuda»,- dep mälımdedı Taraz qalalyq polisiia basqarmasy.«Aqtös» qorymen bailanysqa şyqqanymyzda, qazır it qauıpsız jerde ekenın habarlady.
«İnstagram jelısıne osyndai jantürşıgerlık habar kelgen soŋ, dereu oqiǧa ornyna baryp, ittı özımızben alyp kettık. Videosy da bar. İt «ūrǧaşy». Aty Naida. Qazır jaǧdaiy jaqsy. İmmunitet köteretın vitaminder berıp jatyrmyz. Appetitı qalypty»,- dedı qor basşysy.Bügın januarlarǧa qiianat körsetıp, zorlaǧan adam erteŋ büldırşınderge tiıspesıne kım kepıldık bola alady?
«Bırınşı januar, keiın adam. Aldymen älsızınen bastaidy. Barlyq adam öltıruşıler praktikany januardan bastaidy»,- dedı İrina Keller.Esterıŋızde bolsa, osydan 9 ai būryn elorda erıktılerı zorlanǧan 4 ittı tapqanyn mälımdegen bolatyn. Habarlauynşa, itterdıŋ jynys müşesıne oidai zaqym kelgen. Soraqysy, 4 ittıŋ de bır uaqytta zorlanǧany belgılı boldy. Būl qylmys «Astana Vetservis» mekemesıne qarasty iesız januarlarǧa arnalǧan izoliatorda oryn alǧan. Zorlanǧan itterdıŋ videosy zoofilderge satylǧan boluy mümkın.
Inju ÖMIRZAQ,
«Adyrna» ūlttyq portaly
Ūqsas jaŋalyqtar
