"زەردەلى” حالىقارالىق مەكتەبى تاراز قالاسىنان اشىلادى. بۇل تۋرالى زەردەلى اقىل-وي دامىتۋ ورتالىعىنىڭ ديرەكتورى رىسبەك ءماۋىت Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.
“ەكى كۇن بويى مۇعالىمدەرگە ارنالعان كونكۋرس وتكىزىپ قايتتىم. جۇمىسقا وتە تاجىريبەلى ماماندار، رەسپۋبليكالىق "التىن تۇعار" وليمپياداسىنىڭ جەڭىمپازدارى قابىلداندى. تامىزدىڭ 13-15 كۇندەرى ارالىعىندا وقۋشىلاردى قابىلداۋعا ارنالعان كونكۋرس باستالادى!
مەكتەپ ديرەكتورى بولىپ، انگليادا وقىعان "بولاشاق" باعدارلاماسىنىڭ تۇلەگى، ءبىلىم جانە عىلىم مينيسترلىگىندە جانە ءبىلىم سالاسىندا 10 جىلدان استام جۇمىس جاساعان مەدەت ارىستانۇلى تاعايىندالدى! اللا ىسىمىزگە بەرەكە بەرسىن!”، دەپ جازدى ول.
سونداي-اق، ول جەزقازعان قالاسىنان دا مەكتەپ اشىلاتىنىن، الدا گرانتتار بولىنەتىنىن ايتا كەتتى.
