تارازدا مەكتەپ وقۋشىسى وزىنە قول سالدى. ونىڭ دارعا اسىلعان دەنەسى ءۇيىنىڭ ماڭىنداعى گاراجدان تابىلعان دەپ حابارلايدى “ادىرنا” ۇلتتىق پورتالى.
كتك ارناسىنىڭ حابارلاۋىنشا، قايعىلى جاعداي تۇنگى ساعات 12 شاماسىندا بولعان. 9-سىنىپ وقۋشىسىنىڭ اسىلىپ تۇرعانىن الدىمەن اناسى كورىپ، ءتارتىپ ساقشىلارىن شاقىرتقان.
بالانى امان الىپ قالۋ مۇمكىن بولمادى. پوليتسەيلەر مارقۇمنىڭ ءمايىتىن تەكسەرۋ بارىسىندا زورلىق-زومبىلىق بەلگىلەرى تابىلعان جوق دەيدى.
«ءمايiت جامبىل وبلىسى ءمايىتحاناسىنا جەتكىزىلدى. قاجەتتى سوت-مەديتسينالىق ساراپتاما تاعايىندالدى. اتالعان دەرەككە قاتىستى قر قك 105-بابى، 3-بولىگىمەن ء(وزىن-ءوزى ءولتiرۋ) سوتقا دەيىنگى تەرگەۋ ءجۇرىپ جاتىر»، – دەدى تاراز قالاسى پب رەسمي وكىلى ءازىمحان جانەركە.
14 جاستاعى جەتكىنشەكتى ولىمگە نە يتەرمەلەگەنى ازىرگە بەلگىسىز. قازىر بۇل ىسپەن قۇزىرلى ورىندار اينالىسىپ جاتىر.
