جاز مەزگىلىندە ادام اعزاسىنا پايدالى جەمىستەر

2670
Adyrna.kz Telegram
فوتو اشىق اقپارات كوزىنەن الىندى
فوتو اشىق اقپارات كوزىنەن الىندى

جادىراپ جاز شىقپاي جاتىپ، ادامنىڭ تابەتى بالعىن جەمىستەرگە اۋادى. كەي جەمىستەر ءوز مەزگىلىنەن بۇرىن ساۋداعا شىعىپ جاتادى. ولاردى مەزگىلىنەن بۇرىن جەۋ دەنساۋلىققا كەرى اسەرىن تيگىزۋى ابدەن مۇمكىن. سول تاراپتان ءمان بەرگەن ءجون.

جاز مەزگىلى باستالىپ، كوكتەم مەزگىلى اياقتالۋعا تاياۋ قالعاندا قۇلپىناي جەمىسى ءوزىنىڭ جۇپار يىسىمەن تابەتىمىزدى اشادى. ءبىز ءسۇيسىنىپ جەيتىن قۇلپىنايدىڭ قۇرامىندا ادامعا كەرەك كوپتەگەن دارۋمەندەر بار. قۇرامىنداعى س دارۋمەنىنىڭ مولشەرى تسيترۋس وسىمدىكتەرىنە قاراعاندا اناعۇرلىم كوپ. قۇلپىناي اعزاعا دارۋمەن تاپشى بولعان كەزدە وتە پايدالى. اعزانى تازارتىپ، ءزار شىعارۋ جولدارىن جاقسارتادى. قۇرامىنداعى انتيوكسيدانتتار قارتايۋدىڭ الدىن الادى. يممۋنيتەتتى كۇشەيتىپ، قان ازدىققا كومەكتەسەدى. ميكروبقا قارسى قاسيەتى جوعارى بولعاندىقتان، اسقازان اۋرۋى بار ادامدارعا اسا پايدالى. شىلىم تارتاتىنداردا قاتەرلى ىسىك پايدا بولۋ قاۋپى ىقتيمال، سوندىقتان قۇلپىنايدى كوپ جەۋ كەرەك. جوتەل جانە وكپە اۋرۋلارى كەزىندە قۇلپىنايدىڭ جاپىراقتارىن قايناتىپ ىشسە، تەز ارادا جازىلىپ كەتۋگە بولادى. قۇلپىنايدى دەسەرت رەتىندە جەيدى. قۇلپىنايدىڭ پايداسىن ارتىرعىڭىز كەلسە، اعزاڭىزعا سىڭىمدىرەك بولۋىن قالاساڭىز، قايماقپەن نەمەسە كىلەگەيمەن جەسەڭىز بولادى .

كەلەسى كەزەكتەگى جەمىس ول - شيە. ءار ادام ءار ءتۇرلى جاقسى كورەدى. ءبىرى قىشقىلىن جەگەندى ۇناتسا، ەندى بىرەۋى ءتاتتىسىن ىزدەپ الەك بولادى.

ءدامى، ءتۇسى جانە حوش يىسىمەن كەرەمەت جەمىستەردىڭ قاتارىنداعى شيە، اسپيرينگە ۇقسايدى. زەرتتەۋشىلەردىڭ ايتۋى بويىنشا كۇنىنە جيىرما دانا شيە جەۋ، ءبىر اسپيرين ءدارىسىن ىشكەنمەن بىردەي. شيە قاندى سۇيىلتىپ، دەنەنى تازالايدى. باۋىر مەن ءوتتىڭ جۇمىسىن جەڭىلدەتەدى. بۇيرەكتەردەگى زياندى زاتتاردىڭ شىعۋىنا كومەكشى بولادى. ءىش قاتۋىن كەتىرىپ، استىڭ قورىتىلۋى قالىپقا تۇسەدى. شيەنىڭ قۇرامىندا كومىرسۋلار، پەكتين زاتتارى، ورگانيكالىق قىشقىلدار، ۆ2, س جانە ا دارۋمەندەرى بار. سونىمەن قاتار  اسقازان، ىشەك جانە نەسەپ جولدارى اۋرۋلارىنا وتە پايدالى بولۋمەن قاتار، باۋىر اۋرۋلارىنا دا پايداسى مەيىلىنشە زور.

اش قارىنعا تۇسكەن شيە ادامدى  ارىقتادى. ەگەر شيەنى تۇراقتى تۇتىناتىن بولساڭىز، بۇيرەك جانە قۋىق جولدارىن قۇمنان تازالايدى.

ەندىگى كەزەكتە، جاز دەسە ءبىزدىڭ ەسىمىزگە قاربىز تۇسەتىنى انىق. سول ءجيى جەيتىن جەمىستىڭ پايداسىن ءبىرىمىز بىلسەك، ءبىرىمىز بىلمەيمىز. قاربىزدىڭ ەمدىك قاسيەتىن تۋرالى ەڭ العاش ارابتار انىقتاعان. ولار تاماقتىڭ الدىندا قاربىز جەگەن ادامنىڭ اعزاسى تولىعىمەن تازاراتىنىنا سەنگەن. ودان كەيىنگى جىلداردا مەديتسينا ماماندارى  قاربىزدىڭ اۋرۋدان ايىقتىراتىن قاسيەتى بار ەكەنىن دالەلدەگەن.

حالىق ەمىندە  قاربىزدى شەمەن مەن سارى اۋرۋعا ەم رەتىندە قولدانادى. ونىڭ داندەرى، قابىعى مەن شىرىندى بولىگى ءدارى جاساۋ ۇشىندە پايداعا اسىرادى. ادەتتە قاراپايىم حالىق شىرىنىن جازدىڭ كۇنى ءشول  باسۋ ءۇشىن ىشەمىز، ونىڭ دا پايداسى زور. سەبەبى ءتاتتى بولىگى مەن شىرىنى نەسەپ شىعارۋ جولدارىن ەمدەيدى.

بىراق ءار جەمىستى ءوز ماۋسىمىندا جەۋگە تىرىسىڭىز. مىسالى قاربىزدان ۋلاناتىن ادامدار سانى ەسەلەپ ارتادى. سەبەبى تەز ءپىسۋ ءۇشىن، جاساندى جولمەن وسىرۋگە كوشەدى. ونداي قاربىزدىڭ ءسىز ويلاعانداي پايداسى بولماي قالادى. سول سياقتى قالاعانىڭىزدى قامسىز جەيمىن دەپ، قارا دەرت باس سالماسىن. جەمىستەن ۋلانۋ ادام اعزاسىن السىرەتىپ جىبەرەدى.

ءاربىر جەمىستىڭ پايداسى الۋان ءتۇرلى. پايداسىن بىلگەن سوڭ ءجيى تۇتىنۋعا تىرىسىڭىز. دەنساۋلىق ادامعا بەرىلگەن امانات. اماناتقا قيانات جاسامايىق.

 

  كەنگاشوۆا ايساۋلە

 

.

پىكىرلەر